Skip to main content

Azken bideoak: Biolentzia

bideoa prestatzen
78ko Sanferminak Gogoan elkarteak kereila aurkeztu du gertaeren erantzuleen kontra

2019-01-22
1978ko uztailaren 8an, German Rodriguez gaztea Poliziak hil zuen tiroz. Rodolfo Martin Villa orduko Espainiako Barne ministroaren aurka jarri dute kereila, baita erasoa agindu zuten bertze agintari polizialen aurka ere. 78ko Sanferminak Gogoan elkarteaz gain beste bost herritarrek egin dute bat kereilarekin. Tartean da Fermin Rodriguez German Rodriguezen anaia eta Fermin Ilundain Poliziaren zaurituetako bat.
bideoa prestatzen
Indarkeria polizialaren biktimen inguruko txostena aurkeztu dute Baluarten

2019-01-10
Atzo Iruñeko Baluarte Jauregian, polizia bortizkeriaren biktimen erreparaziorako lan saioa burutu zen eta Gobernuak Nafarroako Unibertsitate Publikoarekin batera burututako txostena aurkeztu zen.
bideoa prestatzen
Jonathan Martinez: "Familiak salaketa jarri arren, garai ilunak datoz eta inpunitatea ezagutzen dugu"

2019-01-09
Amurrion, ehunka lagunek manifestazioa egin zuten Ezker Abertzaleko militantez osatutako familia baten etxearen aurkako tiroketa salatzeko. Jonathan Martinez Naiz-eko kolaboratzailearen ustez, salaketa judiziala egin arren "garai ilunak datoz eta Euskal Herrian zigorgabetasuna zer den ezagutzen dugu". Horrekin batera, hedabide handien jarrera kritikatu du.
bideoa prestatzen
Ehunka lagunek Amurrioko erasoa salatu dute eta Sortuk larritzat jo du tirotzailearen aurkako neurririk ez hartzea

2019-01-08
Sortuk deituta ehunka lagunek Amurrioko familia batek jasandako tiroketa salatu dute. Gogoratu, Lezama auzoko ezker abertzaleko militanteez osatutako sendi baten aurkako balak jaurti dituztela. Ikerketarekin lotutako iturrien arabera, erretiratutako polizia nazional ohi batek egin zituen tiroak. Egoera honen aurrean, Aiaraldeko herritarrak kalera ateratzeaz gain, Sortuko bozeramaile Oihana San Vicentek salatu duenez, erasoa ez da “erlatibizatu behar” eta larria da tiroketaren arduradunaren aurkako inolako neurririk hartu ez izana. Bide beretik mintzatu da alderdiko idazkari nagusi Arkaitz Rodriguez, instituzio eta bestelako formazioei posizionamendua eskatuz. Jaurlaritzako bozeramaile Josu Erkorekak kezkagarritzat jo du gertaera. Goizean, beste elkarretaratze bat egin dute udaletxearen aurrean, bertan erasotutako senideetako batek hitza hartu du.
bideoa prestatzen
Amurrioko ezker abertzaleko familia baten baserriari botatako tiroarekin lotuta pertsona bat identifikatu dute

2019-01-07
Bederatzi milimetroko bala sukaldeko leihotik sartu zen. Baserriaren jabeek, ezker abertzaleko familia ezagun batek, salaketa jarri dute. Ertzaintzak ikerketa zabaldu du igande goizean gertatutakoa argitzeko. Etxean jendea zegoen arren, ez zen inor zauritu. Naiz hedabidearen arabera, identifikatua polizia nazional ohia da.
bideoa prestatzen
Eusko Legebiltzarreko alderdiei, kontaketaren arloan, adostasuna bilatzeko eskatu die Foro Sozialak

2018-12-13

Foro Sozial Iraunkorrak ohartarazi du desadostasunak azaleratuko direla Eusko Legebiltzarreko Memoria eta Bizikidetza Lantaldean. Agus Hernan eta Nekane Altzelai kezkatuta agertu dira, hauteskunde giroaren eraginpean, Eusko Legebiltzarrean ordezkaritza duten alderdiek alde batera utzi dutelako legealdi hasieran zuten "adostasunetara iristeko izpiritua".

Hain justu, asteazken honetan bertan, Andoaingo Udalak eta Argituz erakundeak aurkeztutako ‘Memoria partekatu baterantz’ txostena da eredugarritzat jota, Foro Sozialak nabarmendu du tokian tokiko erakundeek bizikidetzaren bidean urrats esanguratsuak egin dituztela azken hilabeteetan. Eta Andoaingoaz gain, Errenteriako eta Arrasateko adibideei ere aitortu die balioa.

Aitzitik, Eusko Legebiltzarrean, Memoria eta Bizikidetza Lantaldeko eztabaidaren ondorioen inguruko saioa egingo da astelehenean, eta Foro Soziala jakitun da alderdien arteko hasierako adostasuna lausotu egin dela azken hilabeteetan.

Horren aurrean, besteak beste, euskal gizarteak bizikidetzarako egindako bidea eredugarritzat jo du Foro Sozialak, eta alderdi politikoek bestelako jarrera izatea ez zaie ulergarria iruditzen.

Beraz, Foro Sozialak eskaera zuzena egin die Eusko Legebiltzarrean ordezkaritza duten alderdi politikoei. ETAren armagabetzearen eta desegitearen inguruan zeukaten adostasunetarako jarrera berreskura dezatela.