Skip to main content

Azken bideoak: Atxilotuak / presoak

bideoa prestatzen
Konfinamenduaren ondorengo lehen bisitak egin dituzte presoen senideek

2020-07-02
Mirentxin Gidariak berriro irten dira bidera senideekin batera. Euskal Herritik Estatu espainiarreko kartzeletara pandemiaren osteko lehen bisitak egin dituzte senideek. Hidrogela, maskarak eta tenperatura neurgailuek furgoneta hornituta egin dute bidea. Senideak gogotsu ikusi ditu Karlos Albás Mirentxineko kideak.
bideoa prestatzen
Epailearen kontrolpean aske utzi du Parisek Josu Urrutikoetxea

2020-07-02
Pariseko Apelazio Gorteko instrukzio aretoak Josu Urrutikoetxea euskal presoa epailearen kontrolpean aske uztea erabaki du, eta kartzelatik kanpo itxaron ahal izango du, egiteke dauden prozesuak egin arte. Gainera, 2006ko Barajasko atentatuaren harira, "Gizateriaren aurkako krimenengatik" egindako entrega errefusatu du aretoak.
bideoa prestatzen
Motibazio politikoko euskal presoei aplikatutako espetxe politikaren behatokia aurkeztu du Foro Sozialak

2020-06-30
Sei hilabetean behin argitaratuko den txostenean, presoen egoerari buruzko datu eguneratuak, informazio zehatza eta adituen analisiak egongo dira. Aldizkariarekin, “desinformazioari aurre egiten eta espetxe politikaren aldaketaren aldeko iritzi-korronte bat sortzen” lagundu nahi du Foro Sozialak.“Informazio fidagarria, gardena eta kontrastatua” eskainiko du, espetxeetako egoeraren garapenari eta gertaerei buruzko datuak "eremu desberdinetara" heldu daitezen.
bideoa prestatzen
SOS Presoak COVID19 –k salatu du “deskonfinamendu neurriak ez direla berdinak izan presoentzat”

2020-06-26
Presoen egoera hobetu dadin eta osasun baldintzak aintzat hartuak izan daitezen eskatzeko elkarretaratzea deitu dute uztailaren 4rako Iruñean.
bideoa prestatzen
Jakes Esnal preso politikoa baldintzapean aske uzteko galdearen ebazpena irailaren 24an ezagutuko da

2020-06-26
Mediabask hedabideak jakinarazi duenez fiskaltza antiterroristak Esnalen askapenari jarritako helegitea aztertu dute ostegun honetan eta irailean emaitza jakin bitartean kartzelan jarraituko du 70 urteko presoak. Maritxu Paulus abokatuarentzat "oso erasokorra" izan da fiskaltza. "Defentsa mailan inpartzialtasun falta nabaritu” du. Nabarmendu du, espedientean izandako aldeko elementuak baztertu egin direla, eta “gaitzespenak asko aipatu” direla. Justiziak erabakia hain berandu ematea "seinale txarra" iruditu zaio.
bideoa prestatzen
Julen Atxurra presoa Aranjuezeko espetxera eraman dute

2020-06-25
Maiatzean buruko isuria izan zuen eta orain Cadizeko Puerto I-etik Madrilgo hegoaldeko espetxera eraman dute.