Skip to main content

Azken bideoak: Atxilotuak / presoak

bideoa prestatzen
Kataluniako buruzagien aurkako epaiketaren laugarren asteari ekin diote Auzitegi Gorenean

2019-03-05
Astelehenean Roger Torrent Kataluniako Parlamentuko presidenteak ziurtatu zuen erreferendumaren bitartez baino ezin dela konpondu Katalunia eta Estatuaren arteko arazoa. José Antonio Nieto garai hartako Estatuko segurtasun idazkariak Guardia Zibila eta Polizia Nazionalaren jarduna defendatu zuen. Gaurkoan, Enric Millo gobernu ordezkariak herritar independentistek indarkeria erabili zutela azpimarratu du.
bideoa prestatzen
Nafarroako Auzitegiak presoen eskubideen aldeko elkarretaratzea debekatu du

2019-03-01
Nafarroako Justizia Auzitegi Gorenak martxoaren 6ean Iruñean presoen eskubideen alde egitekoa zen elkarretaratzea debekatu du. Tribunalak estatuko Gobernu ordezkaritzaren ebazpenarekin bat egin du. Epaileen hitzetan, iaz espetxean hil zen Xabier Rey Presoa goraipatzea zen ekitaldiaren benetako helburua eta hori ilegaltzat jo dute.
bideoa prestatzen
Foro Sozialak biktima ezberdinen errelatoak elkartrukatzeko topaketak antolatu ditu asteburuan

2019-02-25
Bizikidetzan,elkar ulertzean eta aitorpenean aurrera egiteko helburuarekin, asteburuan Foro Sozialak antolatuta euskal gatazkan izandako biktima ezberdinen arteko topaketak izan ziren, Donostiako Miramar Jauregian. Topaketetan askotariko biktimak elkartu ziren, eta bakoitzaren errelatoa besteekin trukatu zuten, parekoaren minaren berri izan, etorkizunean elkarbizitzarako oinarriak jartzeko. Aurreneko topaketan peru del Hoyo eta maria Jaurgegi egon ziren. Peru, espetxean hildako Kepa del Hoyo euskal presoaren semea da, eta maria, ETAk 2000. Urtean hildako Juan Mari Jauregi Gobernadore Zibilaren alaba. Ostean PSEko batzakide den Petri Romero, Pablo Martinez Langraizko espetxeko langile ohia, Isidro Muga euskal Preso ohia eta Jone Artola, euskal preso baten senidea izan ziren.
bideoa prestatzen
Tentsioa nagusi Kataluniako buruzagi independentisten aurkako epaiketaren laugarren egunean

2019-02-19
Raul Romeva eta Jord Turull konteseilarien txanda izan da gaur Kataluniako buruzagi independentisten aurkako epaiketan. Turull-ek VOXen abokatuei erantzuteari uko egin dio, Romevak bakarrik onartu ditu bere abokatuaren galderak. Turull-ek adierazi du, besteak beste, azken unera arte Madrilekin adostutako galdeketa egiten saiatu zirela eta azpimarratu du galdeketak 2005ean despenalizatu zirela Espainian. Bestetik, Romevak erabakitzeko eskubidearen defentsa sutsua egin du bere deklarazioan, azken bi mendeetan munduan eman diren 106 autodeterminazio galdeketak aipatuz.
bideoa prestatzen
Sarek espainiar estatuak Euskal presoen gradu aldaketak "sistematikoki" ukatzea salatu du

2019-02-19
Sarek gogor jo du estatuko presidente den Pedro Sanchezen aurka eta Euskal presoen gradu aldaketak "sistematikoki" ukatzea egotzi dio, besteak beste aurkeztutako gradu-aldaketa eskaeretatik hiru onartu dituelako espetxe zuzendaritzak. Euskal preso politikoen eskubideak bermatzeko erakundeak gaur gogorarazi duenez, lehen graduan dauden gatibuetatik 12, gaixotasunen batek jota daude.
bideoa prestatzen
Matilde Arribillagaren heriotzaren 25.urtemuga gogoratu dute

2019-02-18
Matilde Arribillaga 1994ko otsailaren 18an istripuz hil zen, Gasteizera euskal presoen aldeko elkarretaratze batera zihoala. Urruntze politika salatzera zihoala hil zen istripuz, eta 25 urteren ostean, bere horretan dirau presoekiko politikak. Halaxe adierazi zuten larunbateko omenaldia prestatu zuten Andoaingo senide, lagun eta herritarrek. Bere semeen hitzetan emakume borrokalaria zen, edozer egiteko eta edonori laguntzeko beti prest agertzen zen. Euskal Herri osoan ezaguna egin zen “Komando zaharra” osatu zuen Andoaingo hainbat emakumerekin. Bere lan guztia eskertzeko Andoaingo herritar, senide eta lagunek Poesia, dantzaz eta kantuz omendu zuten Espigoian Matilde.