Skip to main content

Azken bideoak: Atxilotuak / presoak

bideoaren irudia
Etxerat: "Presoak abokatu gabe uztea baino tranpa handiagorik ez dago"

2015-01-13

Donostiako Trinitate plazan egindako prentsaurreko masiboan, Etxerat elkarteak bakea eta konponbidearen aurkako erasotzat jo du Guardia Zibilak atzo abokatuen aurka egindako operazioa. Etxeraten ustez ez da kasualitatea izan operazioa orain burutu izana, eta egoeraren aurrean mobilizatzeko eta elkartasuna adierazteko eskatu dio gizarteari.

bideoaren irudia
Abokatuen kontrako operazioa: irudiak eta adierazpenak

2015-01-12

Guardia Zibilak 16 pertsona atxilotu zituen atzo, urtarrilak 12, Euskal Herrian egindako polizia operazioan. Hamabi abokatu eta Herrira plataformakoak izatea egotzi dieten lau lagun atzeman zituzten. Horrekin batera, LABen egoitza, abokatuenak eta “herriko tabernak” miatu zituzten. Abokatuen kontrako operazioaren irudiak eta adierazpenak jaso ditugu saio berezi honetan.
 

bideoaren irudia
"Irria dario haizeari": 838 kilometro. Dispertsioa.

2014-12-05

838 kilometro. Hori da Errezil herritik Granadako Albolote espetxera dagoen distantzia. Eta hori da Errezilgo Ezamaun baserriko familiak astebururo Maritxu Uzkundun ikusteko egiten duen bidaia. Anttoni, Begoña eta Ihintza, preso politikoaren ama, ahizpa eta iloba dira lan honetako protagonistak. Hauek dispertsioaz eta bestelako kontuez hitz egingo digute.

Dokumentala: http://youtu.be/32ySpQ4j668
 

bideoaren irudia
“31 Urte”: Bizitza osoa kartzelan

2014-11-14

10 urte kartzelan esaten zuen EH Sukarraren garai bateko kanta ezagunak baina 10 urte ez 31 urte pasa zituen kartzela barruan Jose Mari Sagardui Gatzak.  Europa osoan arrazoi politikoekin lotuta preso denbora gehien egon dan pertsona izan da bera. Bizi arteko zigorraren aurkako ikur bihurtua zen Gatza.

Dokumentala: http://youtu.be/ENQa2w4ddDQ

bideoaren irudia
Deustuko Aske Gunea iruditan

2014-10-11

Urriaren 11ko Deustuko Aske Gunea goizeko 10:00etan jarri zuten martxan, eta topagune berezia izan zen. Bertan izan ziren hainbat eragile sozial eta politiko, grebalarien lagun eta senideekin batera. Hauxe duzue irudi bilduma.

bideoaren irudia
Aitziber Sagarminaga presoa aske utzi dute fidantzapean

2014-06-26

Euskal Preso Politikoen Kolektiboaren Bitartekarien kontra urtarrilaren 9an egindako operazioan atxilotu zuten Aitziber Sagarminaga, hainbat abokaturekin batera, eta, orain, kalera ateratzeko aukera eman dio epaileak. Haurdun dago, eta ez zaio asko falta erditzeko. 25.000 euroko bermea jarri dio epaileak espetxetik ateratzeko.