Skip to main content
bannerra

Azken bideoak: Euskara

bideoa prestatzen
Ehunka lagun bildu ziren Biziprest egunean

2018-12-02
Bilbon ospatu zen Biziprest egunean ehunka ahobizi eta belarriprest bildu ziren. Egun osoko egitaraua antolatu zuten Igandean Bilbon, hasteko, argazki erraldoia atera zuten Zubizuriko eskilaretan, ostean, Ledesma kalean Deportivo frontoiraino zehar giro polita izan zuten bertaratuek txarangaren. Itxiera KAFE ANTZOKIAN egin zuten: Yogurinha Borova eta Garilak 26-ren emanaldiekin. Euskaraldiak bide arrakastatsua izan du Bilbon, hiriko hainbat sektorek, instituzionalak barne, zein eragilek inplikazio aktiboa erakutsiz.
bideoa prestatzen
Iruñeko Udalak bat egin du Euskaraldiarekin

2018-11-22
Iruñeko Udalak bat egin du Euskaraldiarekin. Euskaraldia bezalako ekimenak oraindik ere beharrezkoak izatea deitoratu du Iruñeko alkateak. Era berean, sinbolikoki daukan garrantzia nabarmendu du, euskara Iruñeko berezko hizkuntza dela agertzeko garrantzitsua delarik.
bideoa prestatzen
Apirilaren 4tik 14ra, Gares eta Gasteiz lotuko ditu 21. Korrikak

2018-11-07
'Klika' lelopean, euskararen aldeko hautua egiteko eta euskararen aroarekin bat egiteko deia egingo du 21. Korrikak. Apirilaren 4an Garestik abiatu eta 14an Gasteizen amaituko da. Aurtengo omendua, berriz, Jose Luis Alvarez Enparantza 'Txillardegi' izango da, hark ere bere garaian 'Klika' egin zuela uste baitute AEK-koek: kulturan, euskalgintzan edota politikan jarrera aldaketa bultzatu zuelako.
bideoa prestatzen
UEUk, HABE-rekin elkarlanean eta Euskaltzaindiaren laguntzarekin, Glotodidaktikako 6. Topaketak antolatu ditu

2018-10-31
Jardunaldiak azaroaren 9 eta 10ean ospatuko dira Bilbon. Glotodidaktika, hizkuntza ikasketa eraginkorrak sustatzen dituen zientzia da, eta aurtengo topaketetan helduen euskalduntze alfabetatzearen erronkak aztertuko dira. Aipagarria da, Glotodidaktikako azken topaketa,5. Topaketa, orain dela 16 urte egin zela.
bideoa prestatzen
Milaka lagunek eskatu dute euskara Nafarroa osoan ofiziala izatea

2018-10-27
Milaka lagun bat bildu zituen larunbatean Kontseiluak Iruñean deitutako mobilizazioak. ‘Behingoz’ lelopean, euskara Nafarroa osoan ofiziala izan dadin eskatu zuten, nafar guztien hizkuntza eskubideak bermatzeko. Berdintasuna, kohesioa eta justizia aldarriak hartu zituen ardatz bezala mobilizazioak.
bideoa prestatzen
‘Behingoz’ euskara Nafarroa osoan ofiziala izan dadin eskatu dute milaka lagunek

2018-10-27
Euskararen ofizialtasunaren alde Kontseiluak antolatutako mobilizazioak milaka pertsona bildu ditu Iruñean. ‘Berdintasuna’, ‘Justizia’ eta ‘Kohesioa’ zutabeak abiatu dira Gaztelu plaza, Iturrama auzoa eta Media Luna parketik eta bat egin dute hiruek Bake Plazan.