Skip to main content
bannerra

Azken bideoak: Hezkuntza

bideoa prestatzen
Milaka taupada elkartu dira Errenterian, hezkuntza publikoaren alde

2019-06-03
Euskal Eskola Publikoaren jaia ospatu dute, Koldo Mitxelena ikastetxeak antolatuta, Makina bat taupada lelopean. Cristina Uriarte Eusko Jaurlaritzako Hezkuntza sailburuak Hezkuntza lege berri baten beharra defendatu du, XXI. mendeko aldaketetara egokitzeko. Legea prestatzeko "lehen urratsak" egiten ari direla jakinarazi du.
bideoa prestatzen
Ekainaren 9an ospatuko da aurtengo Gipuzkoako Eskola Txikien Jaia Aginagan

2019-05-29
Eskolako ikaslez inguratuta aurkeztu dute aurtengo jaia Aginagan bertan. Azaldu dutenez, talde lanean antolatu dute jaia auzokide, familia, ikasle eta irakasleen artean. Ilusioa izan da aurkezpenean gehien errepikatu den hitzetako bat.
bideoa prestatzen
Euskal Eskola Publikoaren jaiaren egitaraua aurkeztu dute

2019-05-23
Euskal Eskola Publikoaren 28. jaiaren egitaraua aurkeztu dute Koldo Mitxelena eskolan; Errenterian ospatuko da ekainaren 2an. Prentsaurrekoan parte hartu dute Julen Mendoza Errenteriako alkateak, Maialen Oliveri Koldo Mitxelenako guraso elkarteko kideak eta Lurdes Imaz EHIGEko koordinatzaileak. Jaia sei gunetan banatuko dutela adierazi dute solaskideek, eta hamaika tailer, ikuskizun eta kontzertu antolatu dituzte. Horietako batzuk izango dira Pirritx , Porrotx eta Marimotots, Nogen, Izaki Gardenak eta Baloreak egitasmoa, besteak beste. Horrez gain, hainbat ekintza egingo dituzte kalean giroa berotzeko: Reperkusion Feminista, txistulari eta trikitilariak, EH 11 kolore eta abar.
bideoa prestatzen
Segregazioarekin amaitzeko neurriak har ditzala eskatu diote Jaurlaritzari

2019-05-21
EAEko eskola publikoetan segregazioarekin amaitzeko neurriak har ditzala eskatu diote Jaurlaritzari sindikatu eta guraso elkarteek. Agerraldi bateratua eskaini dute Donostian, ELA, Steilas eta CCOO sindikatuek, Ehige eta aikaera guraso elkarteek eta Heize Euskal Eskola Publikoaren Zuzendaritza Elkarteen Federazioak.
bideoa prestatzen
Batasun sindikala “apurtzen” saiatzea egotzi diote sindikatuek Kristau Eskolari

2019-05-08
Itunpeko ikastetxeetan nagusi den patronalak, bestalde, esan du baduela negoziatzeko borondatea baina sindikatuen eskariek 'marko arautzailea' gainditzen dutela. Euskal Autonomia Erkidegoko gizarte ekimeneko itunpeko hezkuntzan ikasturteko 23. greba eguna izan dute asteazken honetan, Bilboko Udaltzaingoaren arabera, 3.500 pertsona batu dira manifestazioan. Oraindik, baina, urrun daude bi aldeak Adierazpenak egin ditu Miren Zubizarreta ELAko ordezkariak. Lan-hitzarmena 10 urtez berritu gabe izan ostean, erosteko ahalmena berreskuratzea, DBHko irakasleen soldatak hobetzea eta behin-behineko langileen lan-baldintzak hobetzea eskatu dute. Mikel Ormazabal Kristau Eskolako zuzendari nagusiak ohar batean azaldu duenez, alde guztien asmoa da ikasleei eta horien familiei ahalik eta zerbitzu onena eskaintzea eta, hori dela eta, gatazka ikasgeletara ez lekualdatzea defendatu izan du. Gaurko eta biharko grebak ikasturteko azkenak dira.
bideoa prestatzen
Katxiporreta II misioak Pirritx, Porrotx eta Marimotots estratosferara bidali ditu

2019-05-07
Bergarako Aranzadi ikastolak estratosferara bidali ditu Pirritx, Porrotx eta Marimotots pailazo ezagunak. Misioa, Katxiporreta II bezala izendatua, NASA-ren proiektu baten barruan kokatzen da, zientzia gazteen artean dibulgatzeko helburua duena. Bi metroko heliozko puxika batean, pailazoak 30km gora bidali zituzten, gerora jaitsiera eta lurreratze kontrolatu batekin. Pailazoak Aragoiko Sabada eta Ejea herrien artean lurreratu ziren, eta misioa arrakastatsua izan zen.