Skip to main content
bannerra

Azken bideoak: Etorkinak

bideoa prestatzen
Herri besarkadak neofaxismoaren aurka

2019-05-06
Gizatasunaren alde eta neofaxismoaren aurka ‘herrien besarkada’ egin dute asteburuan Europako hainbat tokitan: Bartzelonan, Atenasen, Londresen, eta Italian, Serbian, Suedian, besteak beste. Eta Euskal Herrian: Durangon , Donibane Lohizunen, Miarritzen eta Hazparnen egin zituzten. Europar Batasunaren migrazio politikak salatu eta migratzaileek libre ibiltzeko eta harrera jasotzeko eskubidea dutela aldarrikatu dute bertan. Europako Parlamenturako hauteskundeen atarian, eskuin muturra eta ideia neofaxistak indartzen ari direla ohartarazi dute Herrien, Pertsonen eta Giza Eskubideen Besarkadarekin bat egin duten eragileek. Alderdi horien diskurtsoek, zentro-ezkerreko eta eskuineko sektore batzuekin batera, migrazio politika bidegabeak areagotzen dituztela salatu dute. 200 erakunde eta plataforma baino gehiagok egin dute bat ekitaldiarekin.
bideoa prestatzen
Koxk! elkartasun pintxopotea antolatu du Zaporeak elkarteak

2019-05-02
Maiatzaren 12an ospatuko da 40 tabernaren babesarekin eta bildutako dirua Greziako kanpalekuetako errefuxatuei eskainiko zaie.
bideoa prestatzen
Irungo Harrera Sareak Martindozenearako bidea seinaleztatu du udalaren utzikeriaren aurrean

2019-03-28
Irunera iristen diren migratzaileek Martindonenea aterpetxera iristeko dituzten zailtasunak ikusirik, Irungo Harrera Sareko kideek oin berdeak margotu dituzte herriko kaleetan bertara errazago iristeko. Bestalde, Tren geltoki kanpoan informazio panel handi bat jarri dute; bertan, geltokitik udaletxera eta aterpetxera nola heldu azaltzen da. Urtarrilaren 1az geroztik, harrera sareak 938 lagun artatu ditu. Horietatik 819 gizonezkoak dira, 78 emakumezkoak eta 41 adin txikikoak. Ostiral honetan sareko kideek hitza hartuko dute Irungo udalbatzan. Bertan, seinaleei buruzko informazioa emango dute. Bestalde, sareko kideen eskaerei erantzuteko exijituko diete udal gobernuko kideei.
bideoa prestatzen
LAB sindikatuak aldarrikatu du kale saltzaile izatea ez dela delitua

2019-03-26
Epailearen aurretik pasa behar izan dute Moussa Sow senegaldarrak kalean pultserak saltzeagatik eta LAB sindikatuko Joseba Albarezek elkartasuna adierazteagatik. Hori horrela, LAB sindikatua egiako epaitegietan elkartu da giza eskubideen alde, pertsona eta langile migranteen eskubideen alde eta erakundeen aldetik egiten den arrazakeria eta kriminalizazioaren aurka. Epaiketa hau bertan behera uzteko eskatu dute. Alde batetik, Josebari mozal legea egotzi diezaiokete elkartasuna adierazteagatik eta Moussa herrialdetik kaleratua izan daiteke.
bideoa prestatzen
Arrazakeriaren aurkako "frontea" sortzeko deia egin dute Gasteizen

2019-03-22
Ehunka lagun elkartu ziren atzo Gasteizen Arrazakeriaren Kontrako Nazioarteko Egunaren harira egin zen manifestazioan. 'Arrazakeriari planto, eskubide berdinak' lelopean zeharkatu zituzten atzo Gasteizko kaleak. Amaierako ekitaldian arrazakeriaren aurkako "frontea" sortzeko beharra azpimarratu zuten. Bestalde, faxismoari aurre egiteko eta errefuxiatu zein migratzaileen eskubideak errespetatzeko deia egin zuten.
bideoa prestatzen
LABek arrazakeriaren eta prekarietatearen aurkako 'herri auzitegia' osatu du Bermeon

2019-03-21
Arrazakeriaren Nazioarteko eguna dela eta, LAB Sindikatuak Herrien Auzitegi Iraunkorraren aurrean akusazioa aurkeztu du Bermeon. Zentralaren arabera, arrantzaren sektoreak duen etorkin kopuru handia baliatzen du patronalak langileen eskubideak ez betetzeko. 2013koa da sektorean sinatu zen azken hitzarmena eta kasu gehienetan, ez da betetzen ere.