Skip to main content

Azken bideoak: Emakumea

bideoa prestatzen
Epaitegi eta komisaldegietako garbitzaileek eurekin bildu nahi ez izatea egotzi diote Eusko Jaurlaritzari

2018-11-22

Irailaren 19tik greban daude EAEko epaitegi eta komisaldegietako garbitzaileak eta Donostiako epaitegiaren aurrean elkarretaratzea egin dute asteazken honetan. Hain justu, mugimendu feministaren Emakumeonganako Indarkeriaren Aurkako Nazioarteko Egunerako deialdiaren zita baliatuta.

Gipuzkoan, ELAk, LABek, UGTk eta ESK-k bat egin dute greba deialdiarekin. Garbialdi enpresak kudeatzen du komisaldegietako eta epaitegietako garbiketa zerbitzua. Eusko Jaurlaritzak azpikontratatutako zerbitzuak dira, beraz. Ba langileek salatu dutenez, erantzule den Jaurlaritzak ez du eurekin bildu nahi izan, baina Arartekoarekin hitzartu dute bilkura ostiralerako.

Soldata arrakalarena da, hain justu, greban dauden langileek gogorren salatzen dutena. Lan baldintzen negoziazioarekin hasi orduko, maskulinizatutako kale garbiketaren eta feminizatutako epaitegi eta komisaldegien garbiketaren arteko arrakala deuseztea nahi dute. Hiru sektoreen kasuan, administrazio publikoak azpikontratatutako enpresek egiten dute lan garbiketa zerbitzuan, baina desoreka handia dago batetik bestera. Prekarietate egoera horrek emakumeak kaltetzen dituela ere nabarmendu dute. Sektoreko gehiengoa izateaz gain, askok lanaldi partzialak dituztelako.

Sindikatuek negoziazioan proposatutako gainontzeko neurriei, dagokienez, berriz, Garbialdik ez du bere jarrera argitu. Sindikatuen ustez, negoziazioa iraunaraztea da enpresaren asmoa, komisarietako garbiketa zerbitzua esleitzeko pleguak argitaratzear daudelako eta soldata igoerarik lortuko ez balute, urteetarako izoztuta geratuko litzatekeelako. Hargatik, Garbialdi enpresari eta Eusko Jaurlaritzari exijitu diete har ditzatela neurriak diskriminazio egoera hori gainditzeko. Genero berdintasuna diskurtso hutsaletan geratu ordez, ekintza konkretu eta errealetan gauza dezatela.

bideoa prestatzen
Azaroaren 25era begira, adineko emakumeen babesgabetasun egoera salatuko du ONEKA plataformak

2018-11-22
ONEKA emakume pentsiodunen Euskal Herriko plataformak bere lehen asanblada ospatu du Bilbon. Ostean, azaroaren 25ari begira, adineko emakumeen egoera larria salatu dute, bereziki arriskuan dagoen kolektiboa direla adierazita. Izan ere, besteak beste, indarkeriaren aurka babesgabetasun egoeran daudela eta soldata-arrakalak pentsioetan duen eragina azpimarratu dute.
bideoa prestatzen
Neurri zehatzak hartzeko eta sistema osoki eraldatzeko eskatu du mugimendu feministak

2018-11-21
Euskal Herriko mugimendu feministako ordezkariek adierazi dute "nazkatuta" daudela indarkeria matxistarekin. Horri aurre egiteko baliabide gehiago jartzeko eta minutuko isilune gutxiago egiteko eskatu diete erakunde publikoei. Sistema judiziala ere patriarkala dela salatu dute, eta babestu ordez, emakumeak epaitu egiten dituela. Hargatik, instituzioetatik eta botere legegile zein judizialetik zeharkakotasunez lan egitea ezinbestekoa dela nabarmendu dute.
bideoa prestatzen
‘Game over indarkeria sexistari . Kitto!’ lelopean manifestazioa izanen da Iruñean azaroaren 25ean

2018-11-20
Azaroaren 25aren harira, ‘Game over indarkeria sexistari . Kitto!’ lelopean manifestazioa deitu du Nafarroako Indarkeria Sexistaren Kontrako Emakume plataformak. Emakumeek egunero jasaten duten mota guztietako indarkeria salatu dute eta justizia birpentsatzea beharrezkoa dela azpimarratu dute.
bideoa prestatzen
‘Eta zu… zertaz zaude nazkatuta?’, Berdintasunerako Nafarroako Ezintasunen Sarearen kanpaina indarkeria matxista salatzeko

2018-11-19
REDI Berdintasunerako Nafarroako Ezintasunen Sareak indarkeria matxista salatzeko kanpaina aurkeztu du azaroaren 25eko egunaren harira. ‘Eta zu... zertaz zaude nazkatuta?’ lelopean, helburu bikoitzarekin jarri dute abian kanpaina; batetik, eguneroko diskriminazio egoerak bisibilizatzeko eta, bestetik, desgaitasunen bat duten emakumeek bizi duten diskriminazio bikoitza ikustarazteko.
bideoa prestatzen
Nafarroako 60 udalerri baino gehiagok bat egin dute indarkeria matxistaren aurkako kanpainarekin

2018-11-15
Emakumearen aurkako indarkeriaren kontrako egunaren harira, azaroaren 25arekin, 60 toki erakunde baino gehiagok bat egin dute indarkeria matxistaren aurkako kanpaina. Gaitzespena adierazi dute emakumeek pairatzen dituzten indarkeria sexista mota orori eta konpromisoa agertu dute erakunde publiko bezala modu aktiboan lanean jarraitzeko.