Skip to main content

Azken bideoak: Emakumea

bideoa prestatzen
Hainbat gizarte elkartek emakumeentzat DSBE duina eskatu dute Lanbideren aurrean

2019-03-04
Diru-sarrerak Bermatzeko Errenta hartzen dutenen gehiengoa emakumeak direla jakinda, Bizkaiko zenbait elkartek emakume horien babesgabetasun eta ikusezintasun egoera salatu dute Bilbon, Mazarredo zumarkalean, Lanbidek duen egoitzan. DSBEaren murrizketekin amaitzea eskatu diote Jaurlaritzari eta martxoaren 8ko greba feministarekin batzera dei egin dute.
bideoa prestatzen
Donostiako Emakumeen etxearen erabilera %45 hazi da azken urtean

2019-03-01
Donostiako Emakume etxearen aurreko urteko balorazioa 2017/2018 ikasturteko memoria aurkeztu dute. Jasotako datuen arabera Okendo kaleko Emakumeen etxeak 34.601 bisita izan zituen, eguneko 140 bisita. Iaz baino %45 gehiago. Bazkide kopuruak gora egin du, 843tik 1.023ra. Bestalde ahalduntze taldeen artean hiru nabarmendu dituzte; desgaitasuna duten emakumeena, musika eta ahalduntzearena eta hitzezko ahalduntze lantegia. Bestalde, bazkide berrien gehitzeak ekintza gehiago egiteko eskaeran ere eragina izan du, hori horrela, espazio handiago bat eskatu dute.
bideoa prestatzen
Nafarroako EH Bilduko hautetsiek bat egin dute Martxoak 8ko greba deialdiarekin

2019-03-01
Bakartxo Ruizek eta Miren Aranoak, Nafarroako hainbat udalerritako EH Bilduko hautetsiekin batera, abertzaleen koalizioaren irakurketa egin dute martxoaren zortziari dagokionez. EH Bilduko emakumeek bat eginen dute heldu den ostiraleko greba deialdiarekin eta mobilizazioetan parte hartzera deitu dute.
bideoa prestatzen
Etxeko langile migratzaileek ere bat egin dute martxoaren 8ko greba feministarekin

2019-02-28
Esplotazioa eta diskriminazioa salatu dute etxeko langile migratzaileek. SOS Arrazakeria elkartetik etxeko langileen talde bat sortu da. Prentsaurreko bat eskaini dute azalduaz martxoaren 8ko greba feministarekin bat egiten dutela eta egun horretan greban parte hartu ezingo duten etxeko langile emakume ikusezinak ordezkatuko dituzte. Azaldu dute etxeko lanen eta mendekotasuna duten pertsonen sektorean lan egiten duten gehienak emakume migratzaileak direla, eta “babesgabetasun” handia dutela. Bestalde, “bidezko kontraturik” gabe egiten dute lan: astean 40 orduz baino gehiagoz, ez dute eskubiderik dagozkien jaiegunak hartzeko, ez eta langabezia sariak kobratzeko ere. Gaineratu dute, erakunde publikoek ez dituztela babesten.
bideoa prestatzen
Martxoaren 8ko grebara begira instituzio eta kolektiboak batu dira

2019-02-26
Martxoaren 8rako mobilizazioak aurkeztu ditu Euskal Herriko Mugimendu Feministak eta grebaren antolakuntzan sortutako aliantzak azpimarratu ditu. Amantalak eta eskularruak jarrita, trapuak eskegita eta lema desberdinak batzen zituzten zapiak izan dira protagonista prentsaurrekoan. Gizartea eraldatu eta eredu politiko, ekonomiko eta sozial berria eraikitzera dei egin dute. Bizitzak erdialdean egongo diren sistema bat, presio eta esplotaziorik gabekoa.
bideoa prestatzen
M8an ahalduntzea eta bultzada feminista izango dituzte oinarri Nafarroako Gobernuak eta Iruñeko Udalak

2019-02-26
Nafarroako Gobernuak eta Iruñeko Udalak martxoaren 8an ospatzen den emakumearen nazioarteko egunean burutuko dituzten kanpainen berri eman dute. Ahalduntzea eta bultzada feminista izango dituzte oinarri hurrenez-hurren.