Skip to main content
bannerra

Azken bideoak: Jaiak

bideoa prestatzen
Aurtengo inauterien aurkezpena egin du Donostiako Udalak

2019-01-28
Aurtengo inauteriak otsailaren 28tik martxoaren 4ra izango dira. Kartelaren irabazlea Lara Aranzabal tolosarra izan da eta Momo jainkosa Maider Lopez izango da Egiako Denok Taldea konpartsako kidea. Bestalde, aurten Donostia Festak-ek, Donostiako Modaren Klusterrak lagundu eta Garbera merkatal zentroak babestua inauterietako jantzi onenaren sariak banatuko dituzte. Guztira hiru sari izango dira: lehena 2000 eurokoa eta beste biak 1000 eurokoak. Alkate ordetzak sustatutako sariak tokiko merkataritza sustatzeko eta mozorroen kalitatea hobetzeko ekarpen txiki bat egitea du helburu. Horretarako, diru eskutan eman beharrean saria erosketa-baleak izango dira, Donostiako oihal dendetan trukatzeko eta beste urte batzuetako inauterietako jantziak egiteko.
bideoa prestatzen
Hontzak konpartsak "Vatikanoko harategiak" epaiketan absoluzioa lortu du

2019-01-23
2017ko aste nagusian, Hontzak konpartsak “Vatikanoko harategiak” izeneko dekorazioaz apaindu zuen Areatzako kaian urtero kokatzen duten konpartsa. Aldarrikapena, zinez grafikoa, aste nagusitik pasa ziren guztien arreta deitu zuen. Gauzak horrela, elizatik eta Falange Vasco -Navarratik, aginteen aurrean salaketa jarri eta auzi judiziala martxan jarri zen, sentimendu erlijiosoen kontrako ustezko irainengatik. Urte eta erdi beranduago, Bilboko hirugarren Epaitegi Penaletik, absoluzioa jaso dute.
bideoa prestatzen
Sentimendu erlijiosoen aurkako delituagatik epaitu dute Hontzak konpartsa

2018-12-18
2017an Bilboko Gotzainak, Andaluziako herritar batek eta Jose Ignacio Irusta Falange Vasconavarrako kideak salaketa jarri ostean, Hontzak konpartsaren "Carniceria Vaticana" izenpean sortutako txosnako apaingarriak kendu zituen Ertzaintzak. Auzia artxibatuta gelditu zen akusazioak instrukzioan aurrera ez egitean, baina fiskaltzaren helegiteak berrabiarazi du prozesua. Orain 1.400 euroko isuna eskatzen du fiskaltzak Galder Antón konpartsakidearen kontra, konpartsaren izenean.
bideoa prestatzen
Txupina jaurti eta hasiera eman diete San Fermin txikiei Iruñeko alde zaharran

2018-09-21
1978ko San Ferminak gogoan, hasiera eman diete Iruñeko alde zaharreko jaiei txupina jaurtiaz. Urte hartako gertaerak oroitzeko argazki erakusketa prestatu du jai batzordeak eta horrekin batera 150 ekintza baino gehiagok gozamena ekarriko diete alde zaharreko lagunei gaurtik igandera Aldapako San Fermin jaiek.
bideoa prestatzen
Alarde baztertzailea jaia bizitzeko modu errespetagarritzat du Gipuzkoako Kultura diputatuak

2018-09-06

Hondarribiko alardean plastiko beltzik ez ateratzeko eskatu du Gipuzkoako Foru Aldundiak. Alarde parekidearen aurkakoek egiten dute keinu hori, urtero, Jaizkibel konpainiak Kale Nagusia igotzen duenean, eta soberan dagoela ohartarazi du Denis Itxaso Kultura diputatuak.

Hori bai, Itxasok bi desfileak ikustera joango dela esan du, Jaizkibel konpainiarena eta emakumeak onartzen ez dituen alardearena, jaiaz gozatzeko bi erak errespetatzen dituelako.

Ba larunbateko zitaren atarian, Jaizkibel konpainiako kapitainarekin, Ohiana Etxebarrietarekin hitz egin du Hamaika Telebistak. Hondarribiako Udalak alarde baztertzaileari soilik egingo dio harrera ofiziala, eta Etxebarrietaren ustez, parekideari ere zor dio harrera. Baita gatazka konpntzeko bitartekoak jartzea ere.

Izan ere, Etxebarrietak uste du gatazka iraunarazten bada mezu desegokia hedatzen dela, lehen eta bigarren mailako herritarrak daudenaren mezua, hain justu.

Edonola ere, iruditzen zaio duela 25 urte emakumeen parte hartzearen aldeko urratsa egin zutenen bideak ez duela atzera bueltarik.