Skip to main content

Azken bideoak: Gazteria

bideoa prestatzen
"Bizi jaiak berdintasunean" kanpaina aurkeztu du Nafarroako Gobernuak

2019-05-16
Nafarroako Gobernuak, Nafarroako Berdintasunerako Institutuaren bidez herriko festei begira urtero prestatzen den sexu erasoen aurkako sentsibilizazio kanpaina berria aurkeztu du. “Bizi jaiak berdintasunean” da aurtengo leloa, eta jai eremuan emakumeenganako eraso zein jazarpenaren aurka herritarrak sentsibilizatzea du helburu. Aurtengoan mezua gazteenei helarazteko ahalegin bereziak egingo dira.
bideoa prestatzen
Epaileak astebete atzeratu du Bizitza Da Handiena ekimenean identifikatutako kidearen aurkako epaiketa

2019-05-14
Astebete atzeratu dute 2018an Bizitza Da Handiena ekimenaren barruan eraikin publikoa okupatzeagatik identifikatutako kidearen epaiketa. 2002tik itxita zegoen Gizarte Segurantzako Diru Zaintzaren eraikina okupatu zuten astebetez Bizitza Da Handiena ekimeneko kideek, 63 herri mugimendu eta sindikaturen arteko elkarlanean egindako ekintzan. Okupazio horretan kide bat identifikatu zuen Ertzaintzak eta gaur epaiketa egitekoak ziren Donostiako Egia auzoan dagoen epaitegian. Pertsona hau identifikatu eta atestatua egin zuten Ertzainak, ordea, ez dira epaiketara deklaratzera agertu, epaitegiak ez dielako dei egin. Hau horrela, astebete atzeratu du epaileak epaiketa. Bestalde, epaiketa euskaraz egiteko eskatu dute, eta itzultzailearekin aritu dira. Hainbat herritarrek elkarretaratzea egin dute epaitegiaren aurrean gaztearen absoluzioa eskatzeko.
bideoa prestatzen
Epaileak atzeratu egin du Maravillas Gaztetxeko kideen aurkako epaiketa

2019-05-09
Udazkenera atzeratu dute Maravillas gaztetxearen kontrako epaiketa. Nafarroako Gobernuak akusazio gisa txosten berri bat aurkeztu du eta 22 gazteen defentsak hura aztertzeko denbora eskatuta, epaileak erabaki du bista atzeratzea. Atzerapena ezagutu aurretik hamarnaka lagun elkartu dira epaitegiaren kanpoaldean.
bideoa prestatzen
Hezkuntza sistemaren kontrako mobilizazioa egin dute Ikasleok Zorrotz mugimenduak deituta

2019-03-28
Bilboko Hezkuntza Delegaritzan elkartu dira “hezkidetza, euskara, ikas baldintza duinak eta eduki propioak” aldarrikatzeko. Adierazi dute “inposizio espainol, matxista eta autoritarioen” kontra altxatzeko beharra dagoela. “Ikasleok, dagokiguna borrokatu!” lelopean Bizkaiko ikasle mugimendua batu da Bilbon. Mugimenduak ikasleen borroka “ezinbestekoa” dela azpimarratu du, “Euskal Herriak hezkuntza sistema propio eta burujabe bat” izan dezan. Egungo hezkuntza sistema izan da mobilizazioaren jomuga, Ikasleok Zorrotzen aburuz “hautaketa tresna” dena.
bideoa prestatzen
Eunate institutuko ikasleek eskolatik kamerak kentzea eskatu dute

2019-03-21
Txantreako Eunate institutuko ikasleek manifestazioa burutu dute eguerdian ikastetxeko zuzendaritzak jarritako kamerak kentzea eskatzeko. Orain hilabete batzuk jarri zituzten kamerak, ikasleei egotzitako basatikeri ekintzak kontrolatzea argudiatuta. Ikasleek institutuaren kontrola salatu dute etengabean gailuak instalatuak izan zirenetik. Iruñeko eskoletako zuzendaritza taldeek eskola etena debekatu egin dute, Txantreako ikasleekiko elkartasuna geldiarazteko helburuarekin.
bideoa prestatzen
Gazte Topagunea Lemoan «sherpa eta itzultzaile» lanak egiteko jende bila dabil

2019-03-06
Munduko hamaika txokotatik apirilaren 19, 20, 21 eta 22an Lemoako Gazte Topagunera etorriko diren nazioarteko delegaritzekin laguntzeko taldea osatu nahi dute eta horretarako deialdia zabaldu dute. Topagunea, besteak beste, nazioarteko esperientzia hauek elkartzeko plaza izango da. Zentzu horretan, nazioarteko kide hauek laguntzeko izena emateko txoko bat zabaldu dute webgunean. Nazioarteko delegaritza hauek mahai-inguru, hitzaldi eta bestelakoetan parte hartuko dute.