Skip to main content
bannerra

Azken bideoak: Gazteria

bideoaren irudia
Aizank! | Genero berdintasuna eta Maddi Fernandez

2015-03-16

Martxoaren 8a atzean utzi badugu ere, genero berdintasunak denok kezkatzen gaitu. Aizank! saioaren atal berri honetan, honen inguruan gazteek duten ikuspegia ezagutu nahi izan dugu. Bestalde, Lezoko Maddi Fernandez bodyboarderrarekin izan gara. Azkenik, astero bezala, Amaia Vazquez  sexologoak "lehen aldia"-ren inguruan sor daitezken kezkak argitzen lagundu digu.

bideoaren irudia
Gazteek egoki erabiltzen al dituzte teknologia berriak?

2015-03-09

Teknologia berriak deitu ohi diegu, baina horietako askorekin hazi dira egungo gazteak. Haientzat ez dira horren berriak. Haien egunerokoan erabat barneratuta dituzte eta ondorioz hauen erabilpen egokia egiten ote duten galdetu ohi dugu askotan. Hain zuzen horretaz hitz egin dugu Markina-Xemeingo gazteekin.

bideoaren irudia
Katalin Antxia moda diseinatzaile gaztearekin izan gara

2015-03-09

Katalin Antxia urratsez urrats moda munduan barneratzen ari da. Modubat du izena duela urtebete inguru aurkeztutako bere markak. Moda baino gehiago biltzen du bere proiektu berriak. Arrasateko moda estudioan edo berak "kobazulo" deritzon horretan orduak eta orduak igarotzen ditu, Donostian patroigintza ikastaroak ematearekin batera. Denbora libre gehiegi izan ez arren, tarte bat eskaini digu bere proiektuaren berri emateko.

bideoaren irudia
Sexologia: zer egin prebentzio neurriekin ezustekoren bat izanez gero

2015-03-09

Lehenengo atalean prebentzio neurriez aritu ostean, bigarrenean hauek huts eginez gero edo ezustekoren bat izanez gero zer egin galdetu diogu Amaia Vazquez sexologoari. Besteak beste, biharamuneko pilulaz eta honen ondorioez aritu gara berarekin.

bideoaren irudia
Aizank! | Teknologia berriak eta Modubat

2015-03-09

Aizank! saioarekin aurrera goaz eta oraingo honetan Markina-Xemeinen izan gara berriz ere. Teknologia berrien inguruan aritu gara Lea Artibai Ikastetxeko gazteekin. Bestalde, Katalin Antxia moda diseinatzaile gaztea ezagutu dugu eta sortu berri duen Modubat proiektuaren berri eman digu. Sexologia atalean, ordea, prebentzio neurriek huts eginez gero zer egin galdetu diogu Amaia Vazquez sexologoari.

bideoaren irudia
Txurdinaga ikasketa zentroa ezagutu dugu

2015-03-02

Aizank! saioan, Bilboko IEFPS Txurdinaga GLHBI ikastetxean izan gara. Goi mailako heziketa zentru honen eskaintza gertutik ezagutu dugu. Besteak beste, kimika, administrazioa eta kudeaketa, elektrizitatea eta elektronika edota informatika eta komunikazioari lotutako ikasketak burutu daitezke bertan. Ikasle eta irakasleen eskutik jaso dugu honen guztiaren berri.