Skip to main content
bannerra

Azken bideoak: Sindikatuak

bideoa prestatzen
Iruzur bat da Volkswagenen aldi baterako lan erregulazio espedientea CGT-LKN sindikatuaren arabera

2018-09-10
Nafarroako Volkswagenen zuzendaritzak abian jarritako aldi baterako lan erregulazioaren espedientea iruzur bat dela deritzo CGT Lanaren Federakunde Nagusia sindikatuak. Salatu dutenez, enpresak ez ditu baliabide tekniko eta ekonomikoak jarri erregulazio espedientea ekiditeko. Hortaz, Volkswagenen fabrikak bizi duen egoeraren erantzukizun osoa zuzendaritzak daukala salatu du sindikatuak eta gaineratu du horri aurre egiteko baliabideak badituela.
bideoa prestatzen
Lan baldintza desegokiak eta prebentziorik eza, lan istripuen abuztu beltzaren eragile

2018-09-05
Abuztua hilabete beltza izan da lan istripuek eragindako heriotzei dagokienez, hamar izan dira guztira. Duela astebete, Gasteizen hil ziren beste bi langile. Datuen atzean dagoen errealitateaz sindikatuetako ordezkarien iritzia jaso nahi izan dugu Hamaika Telebistan. ELA sindikatuko Peio Igeregiren hitzetan, lan baldintza desegokiei eta segurtasun murritzei erreparatu behar zaie. LABeko Ibon Zubielak, berriz, enpresek ezarri beharreko prebentzio neurrien gabezia salatu du.
bideoa prestatzen
Arau demokratikoak ez errespetatzea leporatu dio ELAk Eusko Jaurlaritzari

2018-09-04
Eusko Jaurlaritzaren elkarrizketa soziala instituzionalizatzeko proposamena kritikatu du ELA sindikatuak. Jeltzaleei sindikalismo aldarrikatzaile eta abertzalea deuseztea leporatu die Adolfo Muñoz idazkari nagusiak. Eta Eusko Jaurlaritzako lehendakari Iñigo Urkulluri iraultza kontserbadorearen buru izatea egotzi dio.
bideoaren irudia
LAB sindikatua Bizkaiko Metalgintzaren Hitzarmen Kolektiboaren negoziazio eten du

2018-07-03

LAB sindikatua Bizkaiko Metalgintzaren Hitzarmen Kolektiboaren negoziazio mahaiatik altxatu da. Patronalaren jarrera itxiak eta negoziatzeko erakutsi duen prestutasun ezak behartu du sindikatua negoziaketa etetera. Aurrerantzean langileenganako hurbiltasuna erakutsiko dutela eta haiekin indarrak batzeko asmoak dituztela agertu dute El Campillon egindako agerraldian.

bideoaren irudia
Txiki Muñoz: "Angel Toñaren izendapenak ez du ezer aldatzen, ez da pertsona kontua"

2015-03-12

Gurean Gaur elkarrizketa saioan Adolfo "Txiki" Muñoz ELA sindikatuko idazkari nagusia izan dugu. Angel Toña Enplegu eta Gizarte Politiketako sailburu berriaren izendapenaren inguruan galdetu diogu. ELA eta Jaurlaritzaren arteko harremana hobetzeko aukera eman dezake?

bideoaren irudia
Bizkaiko metalean 4.391 enplegu suntsituko direla salatu du LAB sindikatuak

2014-06-25

Bizkaiko metalgintzako patronalak egindako azken proposamenak 4.391 lanpostu suntsituko dituela salatu du gaur LAB sindikatuak, Metaleko Lantegien Bizkaiko Federazioak Bilbon duen egoitzaren aurrean. Besteak beste, patronalak prosposatzen dituen neurrien bidez, langile bakoitzaren malgutasuna 250 ordutara luzatu nahi dutela kritikatu du Natale Landa LAB sindikatuko metagintzako ordezkariak.