Skip to main content

Azken bideoak: Literatura

bideoa prestatzen
Covid-19 gaitza komikigileen begietatik

2020-05-22
Euskal Herriko eta atzerriko hainbat komikigilek koronabirusari buruz egindako tira grafikoen bilduma ikusgai.
bideoa prestatzen
Karmele Jaio gasteiztarrak irabazi du 111Akademiako sari nagusia "Aitaren Etxea" eleberriarengatik

2020-05-08
Karmele Jaio gasteiztarrak irabazi du 111Akademiako sari nagusia, “Aitaren Etxea” eleberria 2019ko euskal libururik onena bezala aitortzen duena. Ehun akademikidek baino gehiagok emandako bozketan, aise gailendu da Jaioren liburua, Atxagaren “Etxeak eta hilobiak” eleberriaren aurretik. Elkarrek banatutako liburua, hautaketaren fase guztietan suertatu da garaile, Karmele Jaiori bere ibilbideko bigarrena emanez. Aurrenekoa 2006an jaso zuen “Amaren eskuak” obrarengatik izan zen. Gainera, 2015ean, Euskaltzain urgazle izendatu zuten. “Aitaren Etxea” Maskulinitatea eraikitzeko eta transmititzeko moduez eta orokorrean generoak emakume eta gizonen bizitzetan duen eraginaz” hitz egiten du, sariaren igorleek azaldu duten bezala. Akademiakideek irakurlea “heldutasunera heldutako literatura” aurkituko duela adierazi dute. Sari honekin Karmele 111Akademia saria birritan lortzen duen taldetxoan sartzen da, Ur Apalategi, Harkaitz Cano, Anjel Lertxundi eta ramón Saizarbitoriarekin batera. 1996tik ematen den sari hau (2012ra arte Beterriko liburua izenez ezagutua) 25 urte beteko ditu datorren urtean. Saridunenen artean, tamaina handiko euskal idazleak izan dira, tartean, Sarrionaindia, Atxaga, Uribe, Alberdi edo Aristi. 111Akademiak adierazi duen bezala, Covid-19ak eragindako egoera dela eta, aurten ez da sari-banaketa fisikorik egingo.
bideoa prestatzen
'Sanditon', amaitu gabeko Jane Austenen azken eleberria serie formatuan

2020-04-24
Jane Austenen lanak eragin handia izan du literaturaren historian, eta batez, ere, nobela modernoaren garapenean.
bideoa prestatzen
Apirilak 23, Liburuen Nazioarteko Eguna

2020-04-23
Apirilaren 23an Nazioarteko Liburuaren Eguna ospatzen da, baina aurten inoiz baino isilagoa izango da. Herrietako ohiko liburu azokek ez dituzte kaleak kulturaz beteko, idazleak ez dira izango euren azken obrak erakusten, saltzen eta sinatzen eta irakurleek ezin izango dute topatu irakurriko duten hurrengo liburua plazetan.
bideoa prestatzen
Joxe Mari Sors (Euskal Editoreen Elkartea): "2008ko atzeralditik ez gara errekuperatu eta oraingo hau are larriagoa izango da"

2020-04-08
Arduratuta agertu dira EAEko editoreak alarma-egoerak liburuen sektorean ekar dezaken krisi larriagatik. Euskal Editoreen elkarteak, Euskadiko Liburuen Ganbarak eta Euskadiko Editoreen Elkarteak batera igorritako txostenean, 2008ko krisi ekonomikoaren kolpe gogorretik oraindik osatu gabe heldu daiteken bigarren beherakada aurreikusi dute. Aditzera eman dutenez, %35ean egin zuen behera orduan fakturazioak eta oraingo honetan, konfinamendua luzatzekotan, 50 milioi euroko beherakada aurreikusi dute sektorean.