Skip to main content

Azken bideoak: Literatura

bideoa prestatzen
Hasier Arraizek politika eta literatura uztartu ditu "Maitasun keinu bat besterik ez" liburuan

2019-06-06
Literatura eta politika uztartu ditu Hasier Arraiz, Sortuko idazkari nagusi izandakoak, kaleratu berri duen "Maitasun keinu bat besteri ez" liburuan. Aukezpenean azladu duenez, beretzat dena da politika, eta dena da kultura, eta bi mundu horietan barrena murgildu da lan honetan. Horretarako bere belaunaldiko idazleen lanak aztertu ditu, bizitzea tokatu zaien garaiari erreparatuz, egungo egoera politikoan aurrerapausoak eman nahian.
bideoa prestatzen
Susan Buck-Morssen “Izuaren osteko gogoeta” liburua aurkeztu du Katakrak argitaletxeak

2019-06-05
Pello Agirre Sarasola izan da euskarara itzuli duena. Buck-Morss pentsalari estatubatuarrak 2001eko irailaren 11aren ostean idatzitako zenbait lan biltzen dituen obra da. Susan Buck-Morssen nahia da ikusaraztea musulmanak auzokideak ditugula. Ez direla fundamentalista fanatikoak, modernitatearekin lotzeko gaitasunik gabekoak, baizik eta gure arazo global berdinak dituen jendea direla. Abiapuntu hori hartuta, erdigunean jarri du borroka komunaren beharra. Estilo desberdineko sei atalez osatutako liburua da gaur aurkeztutakoa, islamismoari eta arteari buruzko gogoetak biltzen dituena.
bideoa prestatzen
"Jamaikako neska", Joxemari Iturralderen azken eleberria

2019-06-04
Joxemari Iturraldek bere azken eleberria aurkeztu du gaur Harkaitz Canoren laguntzarekin Donostiako Liburutegi nagusian. Jamaikako Neska izenburupean, Iturraldek Dafne Zorregieta Rondall izeneko neska baten istorioa idatzi du. Protagonistaren aita, euskaldun erbesteratua da, eta ama, berriz, Mexikon bizi den holandarra. Harkaitzek nobela poliedrikotzat jo du istorioa. Iturraldek nortasun handiko emakumea eraiki duela nabarmendu du Canok. Abaraska itxura duen nobela dela azaldu du Harkaitzek, istorio asko dituena eta lehen pertsonan kontatua. Iturraldek azaldu du liburu hau istorioak kontatzearen aldeko erreibindikazioa izan dela eta protagonistak istorio asko kontatzen dituela bere bizitzeko modua delako. Pamiela argitaletxeak argitaratu du Joxemari Iturralderen Jamaikako neska liburua, eta 231 orrialde ditu.
bideoa prestatzen
Klasikoen 12. irakurraldi jarraituak 'Otto Pette' omenduko du 25. urteurrenean

2019-06-03
Bilbo Zaharra Euskaltegiak antolatua, Klasikoen hamabigarren irakurraldi jarraitua ospatuko da ekainaren 6an Bilboko Arriaga Antzokian. Ekitaldiak 12 ordu iraungo du, goizeko 8tan hasita eta bertatik pasako dira 400 irakurle inguru, tartean, euskal jendearteko aurpegi ezagun ugari. Aurtengoan, gainera, bere 25. urteurrenean, Anjel Lertxundiren “Otto Pette” eleberria omenduko du irakurraldiak. Hori da, hain zuzen, hamabigarren edizio honetan irakurriko den klasikoa.
bideoa prestatzen
Abian da Bilboko Liburu Azokaren 49. edizioa

2019-05-30
Bilboko Liburu Azokaren 49. Edizioa abian da. Ekimenak, Areatza “irakurzaletasunaren erdigune” bilakatu nahi du eta Aburto alkateak Liburu Ganbarari eta Liburusaltzaileen Elkarteari eskerrak eman dizkie beste behin ere kultur adierazpide honen bultzatzaile izateagatik. Aurten, Miren Agur Meabe lekeitiarra eta John Branville irlandarra izan dira Laboral Kutxak ematen dituen Atea literatur sariaren irabazleak.
bideoa prestatzen
Katharina Winkler eta Yoseba Peñak Zilarrezko Euskadi sariak jaso dituzte

2019-05-22
Katharina Winkler eta Yoseba Peñak jaso dituzte Zilarrezko Euskadi sariak aurten. idazle austriarraren ‘Cárdeno adorno’ eta antropólogo bizkaitarraren ‘Hariak’ liburuak direla eta jasoko dituzte Gipuzkoako liburu saltzaileek ematen dituzten urteko liburu onenaren sariak. Zarautzen bizi den idazle bizkaitarraren liburuak familia bereko hiru emakumeren bizipenak ditu oinarri. Peñak 1936ko Gerratik gaur egunerako ibilbidea egiten du, bidean historiako pasarteetan emakumeek izan duten eragina errepasatu eta memoria historikoaren beharra nabarmenduz. Katharina Winkler ere izan da Donostiako sariketan. Idazle austriarra Turkiako indarkeria matxista kasu batean oinarritu da ‘Cárdeno adorno’ liburua idazteko.Istorioak amaiera positiboa duela azpimarratu du Winklerrek, eta hori ezinbestekoa egin zaiola istorio hau idatzi ahal izateko. Liburuaren mezu nagusia egoera horietatik askatzea posiblea dela baita.