Azken bideoak: Euskara

Larunbat honetan, martxoaren 22an, manifestazioa egingo dute Iruñean euskaraz bizitzeko eskubidearen alde. Euskaltzale talde zabal batek deituta, hainbat eragilek atxikimendua eman dute, tartean Euskal Herrian Euskarazek. Azken horretako kide Nestor Estebanekin aritu gara euskararen egoeraz.

Gipuzkoako udal gehienek, Aldundiak eta UEMAk 2012an abiatutako lankidetza egitasmoaren aurka egin du berriro ere Espaniako Gobernuak; lehenbizi, baldintzak ezarrriz, eta gero epaitegietan salatuz. Euskararen normalizazioaren alde lanean jarraituko dutela adierazi dute Aldundiak eta udalek, eta epaitegietan elkar ikusteko deia egin diote Espainiari.

Irutxuloko Hitzak ez ditu une gozoak bizi. Krisiaren ondorioz kalte handiak ari da jasaten hedabidea. Besteak beste, bost kazetari eta kudeatzaile batek osatzen duten lantaldeak euren soldatak murriztu ditu. Egoerari buelta emateko kanpaina abiatu dute eta dirua biltzeko ekintzen artean, ostegun honetan Donostiako Le Bukowski tabernan bakarrizketak izango dira Antiguako "Txiki" eta Jon Plazaolaren eskutik.

Alderdiek bat egin dute Donostiako Udalean "Udalean ere euskaraz" ekimenean. Bertako langileei zuzendutako ekimenak administrazion euskara erabiltzea du helburu. Juan Karlos Izagirre alkateak eta Nerea Txapartegi euskara arduradunak azaldu dutenez, herritarren eskubidea da nahi duten hizkuntzan artatzea. Besteak beste, konpromiso honen adierazle, datorren otsailaren 21ean mosaiko erraldoi bat egingo dute.

Eusko Jaurlaritzaren bosgarren Euskara Plana aurkeztu du gaur Patxi Baztarrika Hizkuntza Politikarako sailburuordeak. Herritarrek administrazioetan arreta euskaraz jaso ahal izatea du helburu eta beraz, baita bertako langileen lan hizkuntza euskara izatea ere. Jaurlaritzako goi karguek ere euskararekiko inplikazio handiagoa izan behar dutela dio.

Bihar eta etzi "Lurraldea eta Hizkuntza" izeneko jardunaldiak egingo dira Donostian. Gipuzkoako Aldundiak, Kontseiluak, UEMAk eta UEUk antolatuta, lurralde antolamenduak euskal hiztunengan nola eragiten duen aztertuko dute. Horretarako, bertako kasuak ezagutzearekin batera, atzerriko esperientziak bilduko dituzte.