Skip to main content

Azken bideoak: Jaialdiak

bideoa prestatzen
#ZButaka Zinemaldiaren bigarren egunean, "Margolaria", "Baules" eta "592 goiti" lanen orbitan

2018-09-22
Donostiako Zinemaldiaren bigarren egunean, Anabel Arraiza lankidearen eskutik, "Margolaria", "Baules" eta "592 goiti" obrak ezagutzeaz gain: Gaizka Izagirreren kritikatako tartea izan dugu, baita Urtzi Urkizuk gidatutako sekzioan umoreari ekiteko ere.
bideoa prestatzen
14.000 pertsona baino gehiago bildu ditu Donostia Festibalak Hipodromoan

2018-09-17
Inoiz baino sarrera gehiago saldu ditu aurten Donostia Festibalak. Izenaz gain, aldaketa nabarmenak eman dira aurtengo edizioan. Estilo urbanoek tarte handia eduki dute Kase.O, C.Tanagana, Nathy Peluso eta Riot Proagandaren eskutik, horrek, arrakasta ekarri du eta publikoaren adina gaztetu du. Guztira, 14.000 pertsona baino gehiago bildu dira bi egunetan. Berri Txarrak, besteak beste, festibalaren izarrak izan ziren eta Pussy Riot taldeak bere emanaldia bertan behera utzi zuen.
bideoa prestatzen
Itsas korronteak bustiko du aurtengo Atlantikaldia

2018-09-06

Irailaren 20tik 23ra izango da Atlantikaldiaren bosgarren edizioa Errenterian, eta antolatzaileen hitzetan, “Itsas korronteek” bustiko dute aurtengo jaialdia.

Ohikoa denez, jaialdiak bi ardatz nagusi izango ditu: kultur topagunea eta musika jaialdia. Beraz, kulturen arteko elkartrukea ahalbidetuko du, Errenteriako eta herritik kanpoko eragileen arteko elkarlanaren biez. Musika jaialdiari dagokionez, berriz, bertako eta kanpoko artisten elkarlanetik sortutako emanaldi bereziak eskainiko dira.

Donostiako Aquariumean egindako aurkezpenean esan dutenez, herritarrek eta herritarrentzat egindako jaialdia izaten jarraitzen du Atlantikaldiak. Errenteriarrek ematen diote nortasuna jaialdiari, eta euren parte-hartzea sustatu nahian, aurrekoetan bezala, udalak herritarren proposamenekin osatu eta aberastu du aurtengo kultur programazioa. Ia 100 kultur ekintza jasotzen dituen egitaraua sortu dute hala.

Oiartzun ibaiaren inguruan egingo dute jaialdia, eta hainbat gune berezi prestatuko dituzte Itsas Topaleku izenburupean. Aurtengo berrikuntza moduan, gainera, Gastrogunea izendatutako espazioa nabarmendu dute.

Agertoki nagusia, berriz, Lehendakari Agirre plazan kokatuko den Itsasargi Nagusian egongo da. Musika izango da gune horretako; izan ere, oholtza gainean izango dira Nneka, Bebe, Esne Beltza edo 47Soul bezalako talde handiak. Gainera, hainbat hizkuntza, kultura eta jatorritako artistak, nazioartekoak eta Euskal Herrikoak, elkarlanean arituko dira kolaborazio eta ‘Itsas elkarrizketa’ izendatutako egonaldietan.

bideoa prestatzen
“Infernuko gazta” izan da Ordiziako Idiazabal Gazta lehiaketaren 45. Edizioaren irabazlea

2018-09-05
Lekarozko S.C. Kortariarena da gazta. San Sebastian Gastronomia kongresuak eraman du gaztaren erdian txapelketaren osteko enkantean, 8.750€ ordainduta. Ordiziako euskal jaietan, gaztaz gain, barazki postuak eta onddo eta perretxikoen erakusketak, baita abereen erakusketa eta lehiaketak ere gozatzeko aukera egon da.
bideoaren irudia
Getxo Folken 34. edizioa irailaren 13tik 16ra bitartean izango da

2018-08-29

Getxo Folkek bere 34. edizioa ospatuko du. Irailaren 13tik 16ra, Getxo herri musika eta kulturaz bustiko da. Kontzertuak Areetako metro plazan izango dira;  Ibaiondo kaleak GKE-en salmenta postuak eta Erromoko Santa Eugenia plazan “munduko terraza” jarriko dira. Kontzertu nagusiak Korrontzi, Eleftheria Arvanitaki, Fairport Convention eta Txarango izango dira, azken hauek publiko gaztea erakartzeko askoz.

 

bideoaren irudia
“Nola soinu halan bizi” izango da 2018ko Bilboko aste nagusiaren irudia

2018-07-09

Bilboko Udalak urtero deitzen duen Aste Nagusiko Kartelen Lehiaketaren irabazlea  “Nola soinu hala zeinu” izan da,  Egilea Jone Etxaburu Garai da.

Kartela irabazleak, seinu hizkuntzaren bitartez 2018 aste nagusia iragartzeko, sardezkenhortzak eskuen atzamarrak izango balira bezala erabili ditu.

 

 

Aurten 175 kartel aurkeztu dira, aurreko edizioan baino % 9,4 gehiago. Kartel gehienak Bilbotik iritsi diren arren, beste hainbat lekutatik ere bidali dituzte proposamenak, besteak beste, Ipar Euskal Herritik, Nafarroatik, Bartzelonatik, Madriletik, Sevillatik eta Coruñatik.