Skip to main content

Azken bideoak: Futbola

bideoa prestatzen
Apirilaren 1ean abiatuko da FIFA 20 Euskal Liga

2020-03-27
Konfinamenduan ere euskal kirolarien eta selekzioaren aldeko aldarrikapena egiteko. Gu Ere Bai eta Game Erauntsiak bultzatuta euskal taldeetako zaleek euren taldea ordezkatzen lehiatu ahalko dira. Finala, apirilaren 12an, Aberri egunean jokatuko da eta telebistan ikusteko aukera izango da, Hamaika Telebistaren eskutik.
bideoa prestatzen
30 urte eta gero, Liverpool jaun eta jabe

2020-03-21
Covid 19 gaitzak eragindako izurriteak mundu mailako kirol txapelketa nagusiak eten ditu. Itzulera datarik gabe, Ingalaterrako Premier Leagueko jarduna aztertu dugu Marakana Txikian. Orain arte, Jurgen Klopp-en Liverpoolek titulua eskura du 30 urtetako sikatearen ostean. Nabarbentzekoa baita, Leicester City, Wolverhampton edo Sheffield United-en denboraldi bikainak edo Arsenalek zein Tottenhamen kurtso zailak.
bideoa prestatzen
Athletic-ek eta Realak Sevillan jokatu beharreko Kopako finalaren eguna atzeratu dute

2020-03-11
COVID-19 gaitzak eragindako albo-kalteen baitan, prebentzio neurri gisa, apirilaren 18an Sevillako La Cartuja futbol zelaian Athletic-ek eta Realak jokatu behar zuten Kopako finala atzeratu dute. Erabakia Espainiako federazioko eta bi klubetako ordezkariek egindako batzarraren ostean hartu dute. Horiek horrela, 70000 zale inguru bilduko dituen hitzordua beste data leku-aldatzera batetara adostu dute. Hala ere, une honetan, euskal finala noiz jokatuko den erabakitzeke dago oraindik ere. Printzipioz, Txapeldunen Ligako finala baino lehenago lehiatu beharko litzateke eta, egoerak hobera eginez gero, maiatzaren amaierako daten inguruko informazioak azaldu dira.
bideoa prestatzen
Euskaldunen arteko final historikoa eta Gu Ere Bai ekimenaren aurkezpena

2020-03-09
Athletic-ek eta Realak apirilaren 18an Sevillako La Cartuja futbol zelaian jokatzekoa den Errege Kopako finalerako txartela eskuratu dute. Hitzordu historikoa izango da eta lehoiek zein txuri-urdinek tituluarengatik borrokatuko dute. Bitartean, asteburuko emaitzei dagokionean, bizkaitarrek garaipen garrantzitsua eskuratu zuten Valladoliden, Realak VAR-ak hartutako erabaki eztabaidagarri baten ondorioz galdu zuen, Osasunak ezinbesteko hiru puntu lortu zituen, Alavesek bere bolada onarekin jarraitzen du eta Eibarrek kolpe gogorra jaso zuen Mallorcaren aurka etxean. Horrekin batera, Alessandro Ruta eta Aritza Eskandonekin batera, euskal kirol selekzioen ofizialtasunaren aldeko Gu Ere Bai ekimenaren aurkezpena izan dugu hizpide.
bideoa prestatzen
Euskal derbia izango da Errege Kopako finalean

2020-03-06
Euskal finala izango dugu aurten gizonezkoen kopan. Apirilaren 18an, Sevillako Kartuja zelaian Atletic eta Reala egongo dira aurrez aurre, historian lehen aldiz emango den finalean. Hala ere, bi taldeek ibilbide oso desberdinak egin dituzte kopa honetan. Realak aise, nagusitasunez, erabat eroso gainditu ditu kanporaketak; ausardiaz eta kalitatez partidu bakarrera izandakoak, heldutasun eta zuhurtziaz joan etorriko partidak. Athleticek sufrituz igaro ditu azken kanporaketak. Tenerife, Elx, Bartzelona… penaltietan edota azken minutuan erabakitako partidak guztiak. Atzokoa, Granadan, 83.minutuan konpondutako norgehiagoka izan zen, Yuriren golak txanponaren aurpegia aldatu zuenean. Apirilekoa laugarren euskal finala izango da Kopan, eta Athletic eta Realaren arteko lehenengoa. Aurrekoak 1910eko Athletic-Vasconia Sporting Club, 1913ko Racing de Irun-Athletic eta 1927ko Real Union-Arenas izan dira. Athletikek bere 40. Finala jokatuko du, Realak aldiz, seigarrena.
bideoa prestatzen
Realak Kopako finalerako txartela eskuratu du Mirandes mendean hartuta

2020-03-05
32 urte geroago Realak Kopako final bat jokatuko du. Atzo, itzuliko partidan Mirandes 0 eta 1 mendean hartuta, finalerako txartela eskuratu zuen, orotara 3 eta 1eko markagailuarekin. 1988an Bartzelonaren kontra galdu zuen finala, eta 1987an, Arkonada, Begiristain, Bakero etb.ekin Athletikoren aurka irabazi zuten historiako bigarren Kopa.