Skip to main content

Azken bideoak: Futbola

bideoa prestatzen
Clementeren aginduetara eta hainbat jokalari gazteekin, Panamari irabaztera

2019-05-29
Gizonezkoen futbol selekzioak Panamaren aurkako partida jokatuko du Rommel Fernandez estadioan. Javier Clementek 17 jokalari ditu, horietako asko oso gazteak, eta hautatzaile gisa aurreneko garaipena lortu nahi du. Federazioko Luis Mari Elustondok baieztatu duenez, gizonezkoen zein emakumezkoen selekzioek, partida berriak jokatuko dituzte udazkenean. Kasu honetan, Euskal Herrian bertan.
bideoa prestatzen
Euskal Selekzioa, garaipenaren bila Panaman

2019-05-28
Gizonezkoen euskal futbol selekzioa Panamaren kontrako partida prestatzen ari da. Clementeren jokalariek aurreneko lan saioak egin dituzte, hezetasunari aurre eginez, eta Rommel Fernandez estadioa ezagutu dute. Barakaldokoak talde gaztea eraman du eta futbolariak itxaropentsu azaldu dira. Adurizek Panamako hedabideen aurrean azaldu duenez, “gure herria ordezkatzeaz oso harro gaude”. Elastiko berdea aurreneko aldiz jantziko duen Unai Bustinzaren esanetan “euskal sena baliatuz partida irabazten saiatuko gara”.
bideoa prestatzen
Asier Villalibrek Athletic-en jarraituko du

2019-05-24
Gernikarrak 2023ko ekainaren 30a bitarteko kontratua sinatu du. Iragan berri den kurtsoan, 23 gol eskuratu zituen zuri-gorrien filialarekin eta Bigarren B maila osoko golegilerik onena izan da. Aurrerantzean, lehen taldea, Aduriz, Williams eta Kenan Kodrorekin lehiatuko du.
bideoa prestatzen
Euskal Selekzioa: Konpromisoa, sinesgarritasuna eta urrats kualitatiboak

2019-05-23
Euskal Selekzioak Panamaren aurka jokatuko du asteburu honetan, Javier Clementek hautatzaile gisa zuzentzen duen aurreneko partidan. Barakaldokoak arazo larriak izan ditu deialdia osatzeko, Bilbao Athletic-eko bost jokalari sartu behar izan ditu, eta honek zeresan handia eman du. Ofizialtasunaren bidean, federazioak abenduan hasitako bideari eutsi behar dio eta sektore guztien konpromisoa ezinbestekoa izango da. Honatx Beñat Zarrabeitia lankidearen analisia.
bideoa prestatzen
Asier Garitanok Alavesek azken urteetan erakutsitako mailari eutsi nahi dio

2019-05-22
Bergararrak urtebeterako kontratua sinatu du gasteiztarrekin baina arabarren Lehen mailan jarraituz gero, automatikoki berrituko luke. Leganesen historia egin ostean, Realean kargutik kendu zuten iragan den abenduan. Alavesen aro berri bati ekingo dio Garitanok.
bideoa prestatzen
Osasuna, Lehen mailako taldea

2019-05-22
Granadak Albaceten irabazi ostean, Osasunak Lehen mailan aritzeko txartela eskuratu du. Jagoba Arrasateren eskutik, gorritxoek denboraldi bikaina burutu dute, bereziki Sadarren jokatutako partida gogoangarriekin, eta sendotasun handia erakutsi dute. Milaka zale Gaztelu plazan elkartu ziren taldeari lehen omenaldia eskaintzeko, ondoren udalak zein foru gobernuak harrera instituzionalak egingo dizkiote klubari.