Skip to main content
bannerra

Azken bideoak: Futbola

bideoa prestatzen
El Sadar, herri ihauteriak eta Dani Sanz idazlea aztergai

2019-02-26
El Sadar futbol zelaiaren erreforma, Atarrabiako herri ihauteriak, Dani Sanz madrildarraren euskarazko lehen liburua...
bideoa prestatzen
Osasunako bazkideek Harresi Gorria aukeratu dute itxuraldatze integralaren proiektuan

2019-02-25
Osasunak Zaragozaren aurkako neurketan lidergoa eskuratu zuen egun berean, bazkideek Sadarren eraldatze osoa egiteari oniritzia eman zioten. Honekin batera Harresi Gorria proposamena aukeratu zuten futbol zelaiaren itxura aldatzerako. Orain klubak bazkide ordezkarien oniritzia beharko du obra-lanak abiarazteko. Futbol zelai berriak 16 milioi euroko inbertsioa eskatzen du, eta klubak mailegua eskatzeko Nafarroako Gobernuari abala eskatu dio.
bideoa prestatzen
Realeko neskak Kopako finalerako sailkatu dira lehen aldiz

2019-02-18
Sevillari 3-1 irabazita, kopako finalerako txartela eskuratu dute txuri-urdinek igandean Anoetan. 18.731 zaleek lagunduta nagusi izan ziren gipuzkoarrak partidu osoan zehar. Finalean, Atletico Madril izango dute aurrean, Ligako talderik indartsuena, baina metatuako indar eta ilusioa baliatzen saiatuko dira Arkonadaren neskak kopa Donostiara ekartzeko. Norgehiagoka Granadan izango da, Los Carmenes zelaian, maiatzaren 11an.
bideoa prestatzen
Euskal futbol taldeek arrakasta izan dute orokorrean asteburuan

2019-02-04
Realak garaipen garrantzitsua lortu zuen Athletic-en aurkako derbian. Txuri-urdinak nagusi izan ziren, lehen zatian bereziki, zuri-gorriak intentsitatearen bidetik gaindituz. Eibarrek ere arnas hartu zuen Gironaren kontrako garaipenaren ostean. Ruben Peñak armaginen gola eskuratu zuen eta Mendilibarren taldeak salbazioa gero eta gertuago dauka. Alavesek, bestalde, 80 minutu on egin arren, ezin izan zuen Real Madrilen aurka. Bigarren mailan, albiste pozgarriak Osasunarentzat. Jagoba Arrasatek zuzentzen duen taldea oso indartsu azaltzen da etxean eta horren lekuko Granadaren kontra lortutako hiru puntuak. Iberdrola Ligari dagokionez, Athletic-ek Rayoren aurkako partida irabazi zuen, Jone Ibañez galdakoztarraren gol bati esker. Realari dagokionez, txuri-urdinek garaipena lortu zuten Sevillan.
bideoa prestatzen
Bolada onean datozen bi taldeekin, derbi lehiatua espero da Anoetan

2019-02-01
Realak eta Athletic-ek aldarte berria erakutsi dute Imanol Alguacilek eta Gaizka Garitanok aginte makilak hartu dituztenetik. Sailkapeneran erdialdean kokatuta, garaipen batekin, biek ala biek, beheko postuetako mamuak uxatu eta goruntz begira jarri ahalko lukete. Neguko merkatuari dagokionez, Athletic-ek Kenan Kodro aurkeztu du eta Realak Modibo Sagnan fitxatu du, baina ekaina bitartean Lens-en utzita jokatuko du.
bideoa prestatzen
48128 zale San Mamesen, Europan emakumezkoen futbol partida bat ikusteko inoiz izandako kopururik altuena

2019-01-31
48128 ikusle bildu ziren San Mamesen Athletic-ek eta Atleticok Kopako final laurdenetan jokatutako partida ikusteko. Europan, bi kluben artean, emakumezkoek jokatutako lehia bat bizitzeko inoiz izandako zifrarik altuena. Giro eta babes handia izan arren, zuri-gorriek ezin izan zituzten finalerdietarako txartela lortu. Madrildarrek maila bikaina erakutsi zuten eta 0 eta 2 irabazi zuten.