Skip to main content
bannerra

Azken bideoak: Futbola

bideoa prestatzen
Osasunak lidergoari eutsi dio Malaga mendean hartuta La Rosaledan

2019-03-12
Malagan irabazita bigarren mailako lehenengo postuari eutsi dio Osasunak. Azken zortzi partiduetatik zazpi irabazi dituzte Gorritxoek eta lehenengo mailara zuzenean igotzeko postuetan finkatu dira, hirugarren sailkatuarekin 7 puntuko aldea lortuta. Malagan markagailua irauli behar izan zuten, lehenengo zaian andaluziarrak nagusi izan baitziren eta 1-0eko emaitza eraman zuten aldageletara. Ruben Garcíak eta Juan Villarrek eman zioten buelta emaitzari.
bideoa prestatzen
10000 ikusle baino gehiago Sadarren Osasunaren emakumezkoen lehen taldea ikusteko

2019-03-11
Giro zoragarri batekin, 10250 ikusle bildu ziren Sadarren, Mikel Bakaikoak zuzendutako futbolariek garaipen ederra eskaini zieten zale gorritxoei. Lorena Herrerak eta Patricia Zugastik sartutako golei esker, Osasunak bigarren postuari eusten dio.
bideoa prestatzen
Javier Clementek Panamaren aurka egingo du debuta eta euskal jokalaririk onenak eraman nahi ditu bertara

2019-03-07
Euskadiko Futbol Federazioak Javier Clemente aurkeztu du. Barakaldokoak hautatzaile lanak egingo ditu aurrerantzean eta bere aurreneko partida maiatzaren 29an izango, Panamaren aurka etxetik kanpo. Bizkaitarrak "ilusioz" hartu du erronka eta "herriari laguntzeko" nahia azaldu du. Zerrendei dagokienez, jokalaririk onenak deitu nahi dituela azpimarratu du, nazioarteko goi mailako taldeetan aritzen direnak barne, eta Aymeric Laporterekin kontatzeko asmoa duela iragarri du. Horrekin batera, diasporako jokalariak deitzeko atea irekita utzi du.
bideoa prestatzen
Osasunak eta Jagoba Arrasatek berriatuakoaren kontratua luzatzeko akordioa erdietsi dute

2019-03-05
Teknikari bizkaitarra lan bikaina egiten ari da Iruñean. Ondorioz, beste urtebeteko kontratua sinatu du. Gorritxoak lehen postuan daude eta igoera begiz jota dute. Hirugarren sailkatuarekiko lau puntutako errenta dute eta asteburu honetan distantzia handitzeko aukera dute Malagaren aurka. Etxeko jokalariek protagonismo handia hartu dute, Roberto Torresek eta Oier Sanjurjok bereziki, eta Nastic-en aurkako partidan Endika Irigoien gazteak debuta egin zuen.
bideoa prestatzen
Bazkide ordezkariek Osasunaren zorra berregituratzea onartu ostean, 14ean eztabaidatuko du Parlamentuak

2019-03-04
Larunbatean Osasunako bazkide ordezkariek taldea zorpetzea onartu ondoren, gaurkoan Nafarroako Parlamentuko eledunen batzordeak bigarren mailako futbol taldeari diru bermea emateko eztabaida, martxoaren 14ko bilkurara eramatea erdietsi du.
bideoa prestatzen
El Sadar, herri ihauteriak eta Dani Sanz idazlea aztergai

2019-02-26
El Sadar futbol zelaiaren erreforma, Atarrabiako herri ihauteriak, Dani Sanz madrildarraren euskarazko lehen liburua...