Skip to main content
bannerra

Azken bideoak: Beste batzuk

bideoa prestatzen
MMA arte martzial mistoen txapelketa Bilbora helduko da martxoaren 9an

2019-02-26
Arte martzial mistoak Bilbora helduko dira martxoak 9an ospatuko den World Fight Tourrek antolatutako gaubelan. La Kasillako aretoan izango da eta 4 borroka aurreratu dituzte. Manuel "Ninja" Rodrigez, Alvaro Fresnoren aurka borrokatuko du, eta, euskaldunon ordezkaritzan Aratz "kamikaze" Garmendia beteranoa Stewart Serrano mendean hartzen saiaktuko da.
bideoa prestatzen
Markel Irizarren agurra Donostiako Klasikoan izango da

2019-02-21
Markel Irizar, "Bizipoz" izengoitiaz ezaguna den 39 urteko txirrindulari Gipuzkoarrak, txirrindularitzari agur esango dio 2019an. Agur beroa izango dela ziurtatu du, alegia, abuztuaren 3an ospatuko den Donostiako klasikoan egingo baitu bere azken lasterketa. Markelen historia zinez gogorra izan den historia izan da. Jubeniletan, profesionaletara saltoa egin baino lehenago, 2002.urtean, barrabiletako minbizia izan zuen txirrindulari Oñatiarrak, eta kimioterapia jaso behar izan zuen. Hala ere, urte baten buruan, pedal kolpe indarberrituaz igo zen txirrindura, eta 2004an profesionalera igaro zen, Euskaltel-Euskadiren maillot laranja jarriz. 2010ean Radioshak taldeak fitxatu zuen, eta 2014tik Trek taldean jardun du. Erlojupekoetan berezitutako Gipuzkoarrak hiru itzuli handietan 20 aldiz hartu du parte, eta garaipenik entzutetsuena 2011ko Andaluziako itzulia izan zen.
bideoa prestatzen
Eibarrek eta Athletic Club-ek bat egin dute Basque Team Fundazioarekin

2019-02-20
Bi futbol klubek euren aurrekontuaren %0,14arekin lagunduko dute Fundazioa. Zehazki, 179.000€ jarriko ditu Athletic-ek eta 70.000€ Eibarrek eta diru-laguntza horiek Basque Team-ek bekatuta dituen 50 kirolari baino gehiagorentzat bideratuko dira zuzenean, Bingen Zupiria Kultura sailburuak azaldu duenez.
bideoa prestatzen
Euskadi-Murias taldeak 2019rako aurkezpena egin du

2019-01-23
Euskadi-Murias txirrindularitza taldeak 2019rako aurkezpena egin du. Errenteriako Niessen zentroan egindako ekitaldian, aurtengo txirrindulariak aurkeztu dituzte, bai gizonezkoen kategorian, bai emakumezkoen kategorian. Nesken taldeak Murias-Limousin izena hartuko du, eta 20 gizonezko eta 6 emakume aurkeztu dituzte. Mikel Bizkarra eta Beñat Intxaustik aurtengo erreferentziak beharko lukete izan. Euskadi-Muriasek bost urte beteko ditu, eta horietatik bi lehenengo mailan izan da. Oscar Rodriguezek Espainiako Itzuliko La Camperonan lortutako garaipena izan zen egindako lanaren erakusle. Aurten World Tourreko itzuli potoloetan korritzeko gonbitea jaso dute, hala nola: Belgikako Flecha-Valona, Kataluniako Volta, Turkiako itzulia, Omaneko itzulia eta, noski, Euskal Herrriko itzulia.
bideoa prestatzen
Crossfit-a, gero eta jarraitzaile gehiago dituen kirola

2018-11-16
Modan dagoen kirola da Crossfit-a. Indarra eta erresistentzia lantzea du helburu Estatu Batuetan sortutako jarduera honek eta gurean, gero eta jende gehiago hasi da praktikatzen. Horren eredu da Mikel Arregui eta Bilboko La Salle ikastetxean ireki berri duen Basati Crossfit proiektua.
bideoa prestatzen
Edu Prades-ek Euskadi-Murias utziko du eta Movistarren arituko da, haren ordez Beñat Intxaustik maillot berdea jantziko du

2018-10-19
Dagoeneko, Euskadi-Murias taldearen, arrakastaren ajeak ordaintzen ari da. Izan ere, Jon Aberasturik Caja Ruralen korrituko du 2019an eta Edu Pradesek, Turkiako Tourreko irabazleak, Movistar handiarekin kontratua sinatuko du. Haien ordez, euskal tropeleko izen esanguratsuetako batek maillot berdea jantziko du: Beñat Intxaustik hain zuzen ere.