Skip to main content
bannerra

Azken bideoak: Biztanleria

bideoa prestatzen
BBK EKIN diru laguntza eta aholularitza programa berria aurkeztu du BBK-k

2019-10-28
Ekintzailetza sustatzeko programa berria aurkeztu du BBK-k. BBk EKIN programaren bitartez diru laguntzak eta lehen mailako aholkularitza eskeiniko dio erakundeak Bizkaiko bost proiekturi. Azaldu dutenez, kutsu soziala duten bost StarUp-ek 38.000 eurorainoko sustatzaile soldata jasoko dute bi urtez lehenengo fasean, eta 50.000 eurora heldu daitekeen kreditua bigarren fase batean. Gaur zabaldu da proposamenak aurkezteko epea eta edozein sektoreko proiektuak aurkeztu ahalko dira abenduaren 30era bitartean.
bideoa prestatzen
Irribarrea ahoan gogoratuko dute Jose Migel Etxeandia larrabetzuarra

2019-10-04
Pertsona militante, prestu eta eskuzabal bezala deskribatu dute bere gertukoek. Euskal preso ohiaren gorpua aurkitu zuten atzo goizean haren bila zebiltzan boluntarioek. Gorbeia mendian ikusi zuten azkenekoz igandean Larrabetzura familiarengana zihoala. Ordutik, ez zuten haren berririk eta asteartean hasi ziren haren bila, 59 urte zituen. Asko izan dira gertukoei helarazitako elkartasun keinuak. Izan ere, Etxeandiak eragin handia izan zuen herrian eta baita ezker abertzaleko eragin esparru desberdinetan.
bideoa prestatzen
Gasteizko pentsiodunek astelehenetako protestei ekin diete gaur

2019-09-16
Gaur bueltatu dira Gasteizko pentsiodunak astelehenetako protestetara. Pentsio publiko duinak eskatzen jarraitzen dute. Pentsio Publikoaren Sistemaren etorkizuna bermatuko duen legedia da aldarrikatzen dutena. Horrez gain, urteroko KPIaren igoera automatikoaren legezko bermea eskatzen dute eta 1080 euroko gutxieneko pentsioa, bizitza duina bermatuko duena. Madrilen sistema publikoaren defentsa eza leporatu diote Lakua eta Nafarroari pentsiodunek. Hego Euskal Herriko Pentsionisten Plataformak bilkura egin zuen irailaren 5ean Gasteizen, datozen urratsen berri emateko. Tartean, EAE eta Nafarroako lehendakarien jarrera kritikatu dute, ez direlako Madrilera joaten pentsio sistema publikoa defendatzera.
bideoa prestatzen
Joseba Gabilondo: "Sistema cis sexista honek denok sartzen gaitu kaiola batean"

2019-06-28
Sexu Askapenaren Nazioarteko Eguna da gaur. 50 urte betetzen dira Stonewallen erreboltak izan zirenetik. Esaten da, hura izan zela gaur egungo LGTBIQ+ mugimenduaren hastapena. Besteak beste, ospakizunez, aldarrikapenez edo kolektiboak Euskal Herrian egunerokotasunean bizi dituen erasoez hitz egin dugu Joseba Gabilondo Hiruki Larroxako kidearekin.
bideoa prestatzen
Frankismo garaian errepresioa jasan zuten esklabuak omenduko ditu beste behin "Memoriaren bideak"

2019-06-05
Memoriaren bideak elkarteak garatu du, Burgiko udalaren laguntzaz. Nafarroako pirinioetan frankismo garaian jasandako errepresioa ardatz, hainbat ekimen antolatu dituzte, tartean, ekainaren 7an Burgin bertan egingo den Vicente Lacaisa iheslari burgiarraren inguruko hitzaldia, edota ekainaren 15ean Bidakozeko portuan frankismoko esklabu nafarrei egingo den omenaldia, hitzartze eta musikari desberdinekin. Egun zinez tristea izango da, aurten, lehen aldiz, lekuko zuzenekorik egongo ez den lehen urtea baita, aipatutako Vicente Lacaisa eta luis ortiz pasa den urtean hil baitzirten. 2004. urtetik darabil Memoriaren bideak elkarteak euskal pirinioetan jasandako esklabutza ikertu, salatu eta zabaltzen. Omenladi, hitzaldi eta ekintza zehatzak egin dituzte. Pasa den urtean, adibidez, Frankismoan esklabu izan zirenen barrakoi baten erreprodukzioa eraiki zuten. Ekainaren 15ean barrakoiko bisita gidatua egingo da goizean, eta udan zehar bisitatzeko aukera ere izango da. Urtero bezala, ekainaren 15eko ekitaldia Juan Kruz Lakasta kazetariak gidatuko du, eta, aurtengo kartela, Angel Aja margolari sestaoarraren muntaia da, non lanera behartutako soldaduen 38. Batalloiaren argazki bat oinarri izan duen. Memoriak bidean eklarteak, iragana ahaztu ezin eta ahaztu nahi ezinik, egia eta erreparazioaren bidean jarraituko dutela adierazi dute.
bideoa prestatzen
Gaur 100 urte betetzen dira lehen aldiz langile-erretiroa ezarri zenetik espainiar Estatuan

2019-03-11
Egun berezia honetan pentsiodunak batu dira beste astelehen batez Bilboko Udalaren aurrean pentsio publiko duina eskatzeko. Adierazi dute oraindik borrokan jarraitu behar dela. Urte askotan emakumeek, meatzariek eta beste hainbatek egindako mobilizazioak gogoratu dituzte. Adierazi dute, egoera askoz zailago batzuetan pausuak eman baziren, gaur egun ere eman daitezkeela eta gogo politiko falta dela egoera geldirik egotearen arrazoia. Aipamen berezia izan du martxoaren 8ko greba feministak.