Skip to main content

Azken bideoak: Zinema

bideoa prestatzen
Reyes Carrerek ulertezintzat jo du Donostiako Udalak Alleni harrera ofizial bat antolatu izana

2019-07-09
Woody Allen zinegile estatubatuarrak bihartik aurrera Donostian grabatuko duen filma aurkeztu du gaur eguerdian Kursaalean. Donostiuako udalak harrera ofiziala egin dio gaur, baina EH Bilduk ez du bertan parte hartu, atzo iragarri zuten moduan. Reyes Carrere EH Bilduko zinegotziak Hamaika Telebistari adierazi dionez, ulertezina da Allenen aurka egin izan diren salaketa larriak aintzat hartu ere egin gabe halako harrera ofizial bat antolatu izana.
bideoa prestatzen
'Elkano: Lehen mundu bira' animazio filma estreinatuko da uztailaren 5an

2019-07-04
Dibulitoon estudioak ekoitzi du luzemetraia eta euskaraz egongo da ikusgai Hego Euskal Herri osoan.
bideoa prestatzen
BBK Mendi Film Bilbao Bizkaia izena hartuko du aurrerantzean Mendi Film Festivalak

2019-06-24
Mendi Film festival jaialdiaren 12. Edizioa aurkeztu dute Bilbon. Bilboko Udalarekin, Bizkaiko Foru Aldundiarekin eta BBK Fundazioaren sinatutako akordioa medio, izen berria hartu du jaialdiak, BBK Mendi Film Bilbao Bizkaia. Jaialdia abenduaren 6tik 15era ospatuko da aurtengo edizioa eta jaialdiak ematen duen WOP sariaren irabazleak Romano Benet eta Nives Meroi alpinistak izango direla aurreratu du antolakuntzak.
bideoa prestatzen
Periko Solabarriaren inguruko dokumentala egin du Ander Lopezek

2019-06-05
1930ean jaio eta duela lau urte, 2015an, zendutako Periko Solabarria ezker abertzaleko militanteak hatz marka sakona utzi zuen Euskal Herrian eta oso bereziki Bizkaiko Ezkerraldean eta Meatzaldean. Garai eta ideologia ezberdineko jendeak mirestu du Periko eta horren eredu ugari daude, behar bada, azkenekoa, Ander Lopez ikus-entzunezko komunikazioko ikasle barakaldarrak bere gradu amaierako lan gisa aurkeztu duen dokumentala. Periko Solabarriaren irudian sakondu eta abade militanteak utzitako ondarea partekatu nahi izan du gazteak.
bideoa prestatzen
Muga deitzen da pausoa: Elvira Zipitriaren historia argitara

2019-05-29
Maider Oleagak Muga deitzen da pausoa filma argitaratu du, Elvira Zipritriaren historioa ezagutzea du helburu zuzendariak. Oldeaga zazpi urtean Mexikon bizi ostean, Euskal Herrira itzuli zen, 2011n, eta etxe bat hartu zuen alokairuan Donostian, Parte Zaharreko Fermin Calbeton kalean, 26. zenbakiko bigarren solairuan. Zipitriaren omenezko plaka bat zegoen atarian, eta etxejabeak azaldu zion bertan bizi izan zela Zipitria hirurogei urtez. Etxe hartan, dozenaka haur eta heldu hezi eta alfabetatu zituen hiru hamarkadatan, euskaraz eta klandestinitatean, frankismo garai betean; bizitzako azken urteak ere etxe hartan eman zituen, itxita, hil zen arte. Irakaslea ez ezik, politikako eta kulturako militantea ere izan zen, besteak beste, Emakume Abertzale Batza, Euskaltzaleak eta Eusko Ikaskuntza elkarteetako kide izan baitzen. Oleagarentzat "berebizikoa" izan dela adierazi du eta ispilu bat izan dela Zipitria berarentzat.
bideoa prestatzen
“Irudikatutako hiria” zikloa estreinatu du Azkuna Zentroak

2019-05-15
Oskar Alegria zinemagile eta kazetariak zinema ziklo hau komisionariatuko du. Gaur hasi da mapa sortzen “Forever” lanarekin. Film luzeren eta dokumentalen bidez sortuko da hiri berri bat. Alegriak azaldu duenez hiria inoiz ez delako gaurkotasunetik irtengo. Izan ere, 2050ean hirietan bizitzea espero da biztanleriaren bi herena. Egun batean kantoi bat izango da protagonista, hurrengoan plaza bat, aste batean hotel bati buruz hitz egingo du filmak… Horrela, filmez film, irudiz osatutako hiria eraikiko da. Gure irudira eta antzera eraikitako hiria, non dokumental garaikidea erabiliz hausnarketa filmikoa planteatu nahi den gizakiaren asmakuntzarik handienetako bati buruz. Gaur Heddy Honigmann zinemagilearen "Forever" filmaren bidez hilerri batetik hasiko da hiri berri bat eraikiko duen ibilbidea. Prentsaurrean azaldu dutenez hori da hiria isilen dagoen eta altxorrik handienetako bat gordetzen duen tokia.