Skip to main content
bannerra

Azken bideoak: Zinema

bideoa prestatzen
Thinking Football jaialdia: futbolaren erdiraketa eta gai sozialen gola

2019-03-20
Astelehenean, martxoaren 18an izan zen hasierako txistua, eta baloia martxan jarri zen "Nossa Chape" dokumentalarekin. 2016ko azaroan Chapecoense talde brasildarrak izandako hegazkin istripuaren atzean dauden giza-historioak kontatzen ditu dokumentalak. Liga, Champions eta Europa Ligarik ez dagoen aste honetan, futbol eta entretenimendu grina asetzeko txanpa ezinhobea da Thinking Football jaialdia, ostiralera arte, eta filmen proiekzioak ez ezik, mahainguruak eskeiniko ditu, zuzendari, jokalari eta adituen iritziak, gerturatzen direnekin tartekatzeko.
bideoa prestatzen
Gaur hasi da Punto de Vista dokumental festibala

2019-03-11
Gaur hasi da Punto de Vista nazioarteko dokumental festibalaren 13. edizioa. Aurten sail ofizialean 30 film aukeratu dira, aurkeztutako 1.160 dokumentalen artean. Jaialdia gaurtik larunbatera bitarte ospatuko da Baluarte jauregian.
bideoa prestatzen
Zineman sorkuntza bultzatzeko Ikusmira Berriak

2019-03-05
Martxan da dagoeneko ‘Ikusmira Berriak’en aurtengo edizioa. Hainbat berrikuntza ditu gainera aurtengoak. Bost zinemagilek hartuko dute parte, proiektu banarekin.
bideoa prestatzen
'Green book', 'Bohemian Rhapsody' eta 'Roma', protagonistak Oscar sarietan

2019-02-25
Bohemian Rapsody pelikulak lau sari jaso ditu. Rami Malek, lehen aldiz nominatua izan eta irabazi egin du gizonezko aktorerik onenaren saria. Alfonso Cuaronek zuzendaririk onenarena jaso du, Roma filmagatik. Horretaz gain, pelikula honek irudirik onenaren eta ingelesez besteko filmik onenaren saria ere jaso ditu. Emakumezko aktorerik onenaren saria Olivia Colmanek jaso du, The Favourite filmarengatik. Honena ere lehen nominazioa izan da. Animaziozko filmik onenaren saria, lehen aldiz, zuzendari beltz batek, Peter Ramseyk, jaso du Spiderman: Into the Spider-Verse filmagatik. Lehenengoz, baita, eskuratu du Oscar bat Spike Lee zuzendariak, gidoi egokiturik onenaren atalean, BlacKkKlansman filmagatik. Hala ere, pelikularik onenaren saria eta preziatuena Green Book-ek eraman du.
bideoa prestatzen
Juanmi Gutierrez zinegilea zendu da 73 urte zituela

2019-02-21
Dokumentalgintzan espezializatua, dozenaka lan burutu ditu Errenteriako zinegileak. Beti gai sozialei helduta, laburmetrai zein lan luzeetan, "ezezagunak diren errealitateei ateak irekitzeko" helburuaz aritu da Gutierrez, bere hitzetan. Euskal zinemaren komunitateak doluminak agertu dizkio familiari eta azken egurra eman nahi izan diote, besteak beste, bere ikasle izan zen Jon Garañok edota Zinemaldiko zuzendari Jose Luis Rebordinosek.
bideoa prestatzen
Izur film laburrak Zumaian gatazka armatuan bizitako emakumeen testigantzak jaso ditu

2019-02-08
Otsailaren 14an beteko dira 82 urte, frankismoaren errepresioaren ondorioz eta euren borondatearen aurka Gipuzkoatik ehunka emakume eta haur kanporatu zituztela. Horren harira Zumaiko udalak, Erkibe kultur elkarteak eta Zumaiena ikastetxeak “IZUR” film laburraren prentsaurrekoa eskaini dute. IZUR film laburra Pixelatuk elkarteak egin du Estibaliz Urrezola eta Nerea Ganzaraineren zuzendaritzapean. Film labur honen bitartez gatazka armatuak bizitako emakumeen testigantzak berreskuratu nahi izan ditu. Otsailaren 14ean, arratsaldeko 18:30etan Zumaiena ikastetxeko aretoan ekitaldi berezi bat prestatu dute. Bertan, IZUR film laburraren aurkezpen ofiziala eskainiko dute. Orain dela 82 urte Zumaian gertatutakoaren berri emango dute herritarrei eta gerturatzen diren orori.