Azken bideoak: Esatea Libre

Juan Maria Aburto Bilboko alkatearekin Bizkaiko hiriburuko hainbat konturi buruzko azterketa egin dugu. Besteak beste, Udalen Legeaz, euskararen egoeraz, AHTaz, komertzio txikien egoeraz eta egoera ekonomikoaz galdegin diogu.

Iker Iraola EHUko irakaslearekin izan gara aste honetan, berarekin euskal estatuari buruz egin duten ikerketa izan dugu aztergai. Horrez gain, Kurdistanek bizi duten egoerari buruz hitz egin dugu bertan izan diren bi euskal herritarrekin. Eta amaitzeko, mahai inguruan Iñaki Soto, Martxelo Otamendi eta Xabier Barandiaranekin Espainiako Hauteskunde Orokorrak errepikatzeko aukeraz eta EAEn egon litezkeen hauteskundeei buruz aritu gara solasean.

Aste honetako mahai inguruan Iñaki Soto, Martxelo Otamendi eta Xabier Barandiaranekin Espainiako Hauteskunde Orokorrak errepikatzeko aukeraz eta EAEn egon litezkeen hauteskundeei buruz hitz egin dugu.

Asier Lauzurika Mondragon Unibertsitateko irakaslea eta Aratz Estonba abokatua, beste hainbat euskal herritarrekin batera, Ipar Kurdistanen izan dira. Newroz ospakizun eguna bertan bizi izan zuten, eta egunerokotasuna nolakoa den ere ikusi zuten. Bertan ikusitakoa Euskal Herrian kontatzeko konpromisoa hartu zuten, eta horretan ari dira egun.

"Euskal estatua irudikatzen" ikerketa egin dute Ipar Hegoa Fundazioak eta Parte Hartuz-ek. Euskal estatuari buruz galdetu diete 2.000 bat herritarri, eta ondorioak gurekin aztergai izan ditu Iker Iraola EHUko irakasleak.

Iñigo Cabacas gomazko pilota baten ondorioz hil zenetik 4 urte igaro direnean, gai honi erreparatu nahi izan diogu EAJko Koldo Bilbaorekin,  Sortuko Karmelo Landarekin eta Ahal Duguko Neskutz Rodriguezekin.