Skip to main content
bannerra

Azken bideoak: Teknologia

bideoa prestatzen
Bost urte bete ditu .eus domeinuak

2019-06-25
Adierazi dute bost urteko ibilbidea eginda domeinua sendotu egin dela eta 10.000 erabiltzaile gainditzetik gertu dagoela. Nabarmendu nahi izan dute, .eus domeinua dela euskaldunak interneten konektatzen eta bereizten dituen marka. Honen erakusgarri Bilboko metroan jarri duten pantaila interaktiboa. Iñaki Goirizelaia PuntuEUS Fundazioko lehendakariak azaldu du bost urtetan oztopoak izan dituztela, baina epe ertainean Euskal Herrian, hirugarren domeinu erabiliena izan nahi dutela. Ostegunean, urteurreneko ospakizun-ekitaldia antolatu du PuntuEUS Fundazioak Bilboko Kafe Antzokian. 5 urte hauetako ibilbidea baloratuko dute bertan.
bideoa prestatzen
AHTren aurkako manifestazioa burutuko da larunbatean Gasteizen,

2019-05-13
AHT arbuiatu eta bestelako trena aldarrikatzen duten plataformek, trenaren eztabaidak kanpainan duen ikusezintasuna salatu dute. Gaur Iruñean egindako prentsaurrekoan kanpainan gaia lantzea eskatu diete alderdiei baita trenarekiko duten jarrera azalera dezaten. Honekin batera, larunbaterako manifestazioa deitu dute Gasteizen.
bideoa prestatzen
Asteburu honetan izango da Gipuzkoa Encounterren XIII. edizioa

2019-03-21
Martxoaren 22tik 24ra egingo da aurten Tolosan Gipuzkoa Encounterra. Aurkezpen prentsaurrekoan azaldu dutenez, ordenagailuekiko pasioa sentitzen duten zaletu eta profesionalen bilkura izan dadin nahi dute Encounterra. Encounterretan internet sarearen abiadura izan ohi da gakoetako bat. Aurkezpenean azaldu dutenez, sekulakoa izango da Tolosako topaketara joateko aukera dutenek gozatu ahal izango duten internet abiadura.
bideoa prestatzen
Mastodon.eus, euskaldunak munduarekin harremanetan jarri nahi duen sare sozial askea

2018-11-21
Mastodon sare sozialaren barnean mastodon.eus instantzia aurkeztu dute hainbat erakundek. Mikroblogintza sare bat da, Twiterren antzekoa, erabiltzeko erari dagokionez. Hala ere, ezberdintasuna garrantzitsuak ditu, helburu komertzialik gabeko tresna da, publizitaterik gabea eta menpekotasuna sortzeko teknikarik gabea, esaterako.
bideoaren irudia
"Zenbakiz" trikitixa partiturak osatzeko on-line editorea kalean da

2014-02-25

Tirikitrauki musika dendak eta Iametza Interaktiboak "Zenbakiz" online editorea aurkeztu dute. Modu tradizionalean erabiltzen diren partitura "zifratuak" sortzeko balio duen ataria da. Sortzaileen arabera herraminta honekin edonork ikas dezake trikitia jotzen.