Skip to main content

Azken bideoak: Gurean Gaur

bideoa prestatzen
Txinako Segurtasun Legearen aurkako protestan 180 manifestari atxilotu dituzte gutxienez

2020-07-01
Arrapaladan eta aho batez onartu zuen atzo Txinako Parlamentuak Hong Kongerako Segurtasun Legea. Pekinek britainiarren menpe egondako kolonia berreskuratu zuen egunaren 23. urteurrenean, gaur bertan, sartuko da indarrean.
bideoa prestatzen
Angel Elias (EHU): "Komunikazioa eta elkarlana beharrezkoak dira langileen eta enpresaren artean"

2020-06-30
Telelana azken urteotan zabaldu den fenomenoa da, eta Covid-19ak eragindako pandemiaz geroztik, gero eta etxe gehiagotara zabaldu da. Espainiako Gobernua lege aurreproiektua diseinatzen ari da etxetik lan egitearen esparrua arautzeko. Legeaz eta, oro har, telelanaz mintzatu gara Angel Elias EHUko Lan Harremanen dekanoarekin.
bideoa prestatzen
Aitziber Ugalde (Agoizko udala): "Kolpe latza izan da eskualdearentzat"

2020-07-01
Gamesaren Agoizko plantaren itxieraz adierazpen ofizialik jaso ez duela salatu dute langileek eta udalak.
bideoa prestatzen
Foku agentziaren argazkiek eta Harkaitz Canoren egunerokoak osatzen dute 'Izurria hemen' liburua

2020-07-01
‘Izurria hemen’ argazki-liburua kaleratu du Baigorri Argitaletxeak. Bertan, Foku argazki-agentziako langileen irudiek bat egin dute Harkaitz Cano idazlearen egunerokoarekin, pandemia garaian bizi izan duguna memorian gordetzeko aukera emanez. Canok azaldu digu enkargua jaso aurretik ere hasia zela bere sentipenak nolabait biltzen.
bideoa prestatzen
Larrasoañako indusketa batean aurkitutako gorpuak Leoncio de la Fuente Ramosen gorpuzkiak direla baieztatu dute ADN bidez

2020-07-01
Gerra Zibilean hildako, desagertutako gorpuei izena eta abizena jartzeko gogoz dihardute hainbat erakundek. Nafarroako Memoriaren Institutua lan horretan murgilduta dago, eta fruituak jasotzen ari dira. 2018an Larrasoañako indusketa batean aurkitu zituzten gorpuzkiak Leoncio de la Fuente Ramosen gorpuzkiak direla baieztatu dute DNAa kontrastatuz; Ezkabako ihesean parte hartu zuen presoak.
bideoa prestatzen
Ekologistak Martxan-ek emandako Bandera Beltza "saria" jaso dute Gaztelugatxeko aparkalekuak eta Donostiako Santa Klara uharterako “asmo turistikoak”.

2020-07-01
Sari hauek ematen ditu erakundeak “kudeaketa txarra argudiatuta edo kutsaduragatik”. Gaztelugatxeko Donieneko aparkalekuaren handitzea, talde ekologistaren arabera “publizitate kanpaina baten” baitan kokatu behar da. Salatu dute “Game of Thrones” telesaila filmatu zutenetik, “gehiegizko” gorakada bultzatu dutela Eusko Jaurlaritzak eta Bizkaiko Foru Aldundiak. Gaur ireki dute baita Donostiako Santa Klara uhartea bisitatzeko aukera. Ekologistek saria ematerakoan gogoratu dute “babes bereziko eremua” dela eta biodibertsitate gune bat dela batez ere “hegazti faunarentzat”. Horregatik, Gipuzkoako Foru Aldundia eta Donostiako Udalaren jarrera salatu dute, itsasargiaren bueltan Cristina Iglesiasen obra bat jartzekoak direlako.