Skip to main content

Azken bideoak: Saioak

bideoa prestatzen
Olaberriako Arcelor Mittaleko langileek lanuzteekin jarraitzen dute

2020-07-15
Olaberriako Arcelor Mittalek langileen eskakizunei jaramonik egin gabe jarraitzen duela argudiatuta langileek lanuzteekin jarraitzen dute. Zuzendaritzak erantzun argirik ez diela eman eta negoziatzeko biltzeari muzin egin diola esan dute, beste proposamenik egin gabe. Jarrera hori ikusita, aldez aurretik prestatutako mobilizazio plana martxan jarri dute.
bideoa prestatzen
EHU hainbat oinarrizko zerbitzu pribatizatzen ari dela salatu dute zenbait langilek eta ikaslek

2020-07-15
EHU hainbat oinarrizko zerbitzu pribatizatzen ari dela salatu dute gaur bertako hainbat langile, irakasle eta ikaslek. Pribatizazio horrek, besteak beste, Informazio eta Komunikazio Teknologien zerbitzuari eragiten dio. Posta elektronikoa kudeatzeaz arduratzen den zerbitzua da hori.
bideoa prestatzen
Maia alkateak herritarrak eta bera buru duen Udal gobernua zoriondu ditu uztailaren 6tik 14ra izandako jarreragatik

2020-07-15
Sanferminen datetan udalak egindako kanpaina “arrakastatsua” izan dela azpimarratu du eta “Iruñeaz emandako irudia” nabarmendu.
bideoa prestatzen
Euskal presoen eskubideak aldarrikatzeko bizikleta bira antolatu du Sarek

2020-07-15
Uztailaren 23tik 25era antolatu dute aurtengo bizikleta bira. Ezohiko egoerari aurre egin eta, hirugarren urtez, presoen aldeko aldarria zabalduko dute. Bizikleta biraren nondik norakoak azaldu dizkigu Inaxio Oiarzabal Sareko bozeramaileak.
bideoa prestatzen
Ostiraletik aurrera muxukoa derrigorrezkoa izango da Nafarroan eta bihartik aitzina EAEn

2020-07-15
Piztaldiek eta positibo berrien gorakadak eragin du Foru Gobernuak eta Lakuako agintariek hartutako erabakia.
bideoa prestatzen
Euskaltelek EAEko beste 105 udalerriri emango dio zerbitzua zuntz-optiko sarea hedatuta

2020-07-15
105 herri gehiagori eskainiko dio zerbitzua eta 200.000 etxe ingururi. Horrenbestez, 241 udalerritako 1.200.000 etxek jaso ahalko dute Euskaltel-en zerbitzua zuntz-optiko bidez, hots, EAEko ia herri guztietara hedatu du sarea konpainiak dagoeneko.