Skip to main content

Azken bideoak: Saioak

bideoaren irudia
Donostiako Jazzaldiaren 49. edizioaren egitaraua aurkeztu dute

2014-06-27

Donostiako Jazzaldiaren 49. edizioaren aurkezpena burutu dute Donostiako Victoria Eugenia antzokian. Jaialdia uztailaren 23tik 27ra izango da, eta bertan 107 emanaldi izango dira, hauetatik 73 doan. Bestalde, Donostiako Jazzaldia Saria Toshiko Akiyoshi pianista eta orkestra zuzendariari emango diotela azaldu dute.

bideoaren irudia
Eako poesia egunak uztailaren 11tik 13ra ospatuko dira

2014-06-27

Uztailaren 11tik 13ra Bizkaiko Ea herrian Poesia egunak ospatuko dira, 2004ean ekin zioten auzolanean poesia egunak antolatzen  urte luze hauetan marka proipia duten jardunaldiak dira. Herri txikia izanik ezagugarri berezia daute jardunaldiok, idazleen eta herritarren arteko harremana sustatzen da, eta literaturaren eta, oro har, artearen gainerako adierazpideak baztertzen ez dituen arren, poesia lehenesten du. Bizia eta irekia da literatura ikuspegitik.

bideoaren irudia
Biktima guztien onarpena aldarrikatu du Amaiurrek

2014-06-27

Amaiurrek Euskal Herrian izan diren indarkeria guztien onarpena eta erreparazioa aldarrikatu ditu. Xabier Mikel Errekondok esan du Amaiurrek behin baino gehiagotan adierazi diela ETAren eta beste erakunde batzuen biktimei hurbiltasuna eta elkartasuna. Espainiako Estatuari jarrera bera hartzeko eskatu dio Amaiurrek.

bideoaren irudia
Sormena landu eta ekoiztearen ezberdintasuna

2014-06-27

"Soft" izeneko dokumentala egin zuenetik Ixiar Garcia sortzaileak bertatik ateratako ondorioak eta dekalogoa  zabaltzen ari da. Sortzeko prozesuetan eman behar diren baldintzak bermatzen lan egiten du une honetan beste hainbat gauzen artean. Izan ere, Guk gEUre Kulturaz (GEUK) ekimenaren partaidea ere bada. Egunerokotasunak bultzatuta, besteak beste, azken urteetan sortu beharrean ekoiztu egiten dugula esan digu berak.

bideoaren irudia
Skapa | Sexu askatasunaren alde bete ditzagun kaleak

2014-06-27

Lehen atalean, ondokoak nabarmendu ditugu: Ixi Garcia sortzaileagaz kulturaren egoeraren inguruan hitz egiteko aukera izan dugu. Ondoren, zinema estreinaldiei begira jarri gara. Asteburuko proposamenei dagokienez hauxe gure eskaintza; ekainaren 28an  aukera sexual guztiak aldarrikatzeko eguna izango dugu,  EH Zuzean jaialdia hasteko atzera kontaketa prest da, Lasarten edo Mungian herriko jaiak ospatuko dituzte, Lekuz Leku edo Kalealdia jaialdiek kolorez beteko dituzte Bilboko kaleak, Eureka Zientzia Museoa bisitatuko dugu eta baita Oñatiko Arikrutz haitzuloak ere.
 

bideoaren irudia
Atik Zra | Letra zopa

2014-06-27

Letra zopa egiteko unea iritsi da. Irailean abiaturiko denboraldia errepasatzeko garaia. Azken hilabeteetan jorratutako gaiak berreskuratu ditugu zopa eder bat osatzeko. Hala nola, LOMCE legearen afera, euskarazko komunikabideen egoera, energia nuklearraren eztabaida eta hondakinen kudeaketa.