Skip to main content

Azken bideoak: Mundua

bideoa prestatzen
Brexitaren osteko merkataritza akordioa, Londres eta Bruselaren arteko liskar iturri

2020-02-04
Bruselak eta Londresek beren marra gorriak erakutsi zituzten atzo Brexitaren ostean izango duten etorkizuneko harremanaren negoziazioari begira, merkataritza akordioa oztopo handia delakoan.
bideoa prestatzen
Kansas City Chiefs frankiziak irabazi du 2020ko Superbowl-a

2020-02-04
Gorabehera handiko finala izan da Chiefs eta San Francisko taldeen artekoa. Eraztuna irabazteko puntuan egon dira biak, azken laurdenean Mussourikoak gain hartu arte. 50 urte zeramatzan taldeak eraztuna irabazi gabe, bigarrena izan da aurtengoa. Patric Mahomes jokalaria izan da Miamin egin den partiduko izarra. Amerikako Estatu Batuetako herri kultural eragin erraldoia duen lehiaketaren inguruan Londresen bizi den Unai Kontxa gasteiztarrarekin aritu gara.
bideoa prestatzen
Gasteizen ospitaleratutako emakumeak ez du koronabirusik

2020-02-04
Txinara berriki bidaiatu duen emakume batek infekzioa duen aztertzen dute eta negatibo eman du. Osakidetzak koronabirusari aurre egiteko protokoloa jarri zuen martxan kasu susmagarri bat antzeman ostean. Egunetik egunera kutsatutako kasu gehiagoren berri ematen den heienan, Txinako Enbaxadak lasaitasun hitzak bidali dizkie EAEn bizi diren txinatarrei. Izan ere, 361 pertsona hil dira Txinan koronabirusak jota. Txinatik kanpo hil den bakarra, Filipinetan izan da, mugako herri batean. Kutsatutako lagunen kopuruak ere gora egin du: goizeko datuen arabera 17.205 dira dagoeneko, bezperan baino 2.829 gehiago.
bideoa prestatzen
Palestinak harremanak hautsi ditu Israelekin eta AEBekin

2020-02-03
Palestinako Aginte Nazionalak Ameriketako Estatu Batuekin eta Israelekin zituen harremanak hautsi ditu. Palestinako presidente Mahmud Abbasek larunbatean jakinarazi zuenez, erabakiak segurtasun arloari ere eragingo dio, nahiz eta arloko agintea oraindik Ameriketako Estatu Batuen eta CIA Inteligentzia Agentzia Zentralaren arteko akordioaren esku dagoen.
bideoa prestatzen
Gaur irtengo da azkenean Erresuma Batua Europar Batasunetik

2020-01-31
Lau urteko ibilbidearen ondoren, gaur gauean aterako da azkenean Brexita. Hamar hilabeteko atzerapenarekin, eta hiru LUZAPEN beranduago, Euskal herrian gaueko 23:00ak direnean irtengo da Erresuma Batua Europar Batasunetik. 3 urte eta erdi igaro dira 2016ko Ekainaren 23ko erreferendumean boto emaileen %51,9ak Europar Batasuna uztearen alde bozkatu zutenetik. Orduz geroztik Bi lehen ministrok dimititu dute, emaitza hori kudeatu ezinda. Hori bakarrik ez, gobernuko 20 goi kargu inguruk eta beste horrenbeste parlamentari kontserbadorek ere euren karguak utzi dituzte Brexitari buruzko eztabaiden ondorioz.
bideoa prestatzen
Kataluniako presidenteak amaitutzat eman du legegintzaldia

2020-01-29
Quim Torra Kataluniako presidenteak, Generalitatean eginiko adierazpenean iragarri duenez, Kataluniako Gobernuak hauteskundeak deituko ditu Parlamentuan 2020ko aurrekontuak onartu ostean. Beren legealdiak jada ibilbide politikorik ez duela eta bukaerara iritsi dela adierazi du gobernuko kideei abisatu gabe deitutako adierazpen instituzionalean.