Skip to main content

Bideoteka

Bideotekan bilatu
bideoa prestatzen
Bixente Perurena omendu dute, GALek hil eta 35 urtera

2019-06-07
GALek erahildako Bixente Perurena oroitzeko ekitaldia burutu dute Perurena tabernan, Errenteria eta Astigarraga artean, GALek hil eta 35 urtera. Errenteriatik Hendaiara egin behar izan zuen Perurenaren familiak ihes eta bertara heldu eta hiru hilabetera etxe aurrean tiroz hil zuten Bixente, Angel Gurmindorekin batera. Hitza hartu dute Errenteria eta Hendaiako alkateek, biktimaren alaba batez gain. Ekitaldiak segida ematen dio Errenteriako udalak indarkeria mota ezberdinen biktimak aitortzeko eta elkarbizitzaren alde azken urteetan abiatu duen lanari.
bideoa prestatzen
Azken bi egunetan Morazan egindako bi operazioei buruzko informazioak okerrak direla salatu dute

2019-06-06
Albiste agentziek eta hainbat hedabidek zabaldutako informazioaren arabera, gazteek eraikinaren atea hautsi zutelako egin zuen Ertzaintzak goizeko operazioa. Horrek ez du zentzurik, prentsaurrekoan azaldu dutenez, gazteek 9 hilabete zeramatzatelako eraikinean bizitzen. Are gehiago, inolako agindu judizialik gabe sartu zen Ertzaintza eraikinera, gazteen esanetan
bideoa prestatzen
ELAk 18 enpresa salatu ditu Anoetako obretako irregulartasunekin lotuta

2019-06-07
Igor San Jose eraikuntza alorreko arduradunak azaldu duenez, 200 langile baino gehiagok dokumentazio faltsuarekin aritu behar izan dute lanean. Gaineratu duenez, erakundeek badakite gainera zein den egoera, dagoeneko 250.000 eurorainoko isunak ezarri baitizkiete. Ez da hori enpresek duten zor bakarra, langileei 4,5 milioi euro zor baitizkiete, ordaindu gabeko soldatak eta kotizazioak aintzat hartuta.
bideoa prestatzen
Hasier Arraizek politika eta literatura uztartu ditu "Maitasun keinu bat besterik ez" liburuan

2019-06-06
Literatura eta politika uztartu ditu Hasier Arraiz, Sortuko idazkari nagusi izandakoak, kaleratu berri duen "Maitasun keinu bat besteri ez" liburuan. Aukezpenean azladu duenez, beretzat dena da politika, eta dena da kultura, eta bi mundu horietan barrena murgildu da lan honetan. Horretarako bere belaunaldiko idazleen lanak aztertu ditu, bizitzea tokatu zaien garaiari erreparatuz, egungo egoera politikoan aurrerapausoak eman nahian.
bideoa prestatzen
Irribarria eta Urrutikoetxea, pozik, Buruz Buruko finalean erabiliko dituzten pilotekin

2019-06-06
Biak ala biak euren mailarik onenera gerturatzen ari dira berriz eta Miribillako zitan euren bigarren txapel nagusia jantzi nahiko dute. Gogoratu, Urrutikoetxeak 2015eko txapelketa nagusia irabazi zuela eta Irribarriak 2016koa, elkarren artean jokatutako finalean gainera.
bideoa prestatzen
Mikoleta Sariek euskarazko ipuinen sorkuntza saritu dute beste behin

2019-06-06
Rafael Mikoleta, XXVII. mendean jaiotako lehen euskal gramatikaria izan zen. Honen harira, Bilboko Udalak 1998az geroztik Mikoleta Sariak antolatzen ditu, Bilbo eta inguruko gaztetxoen euskarazko sorkuntza saritzeko. Aurten 29 ikastetxe ezberdinetako 753 ipuin jaso dira, lau kategoriatan banatu direnak, guztira 14 sari banatuz. Ekitaldiaren xedea gazteengan euskara eta literatura sustatzea da, baita Bilboko bizikidetzarako baloreak ere. Koldo Narbaiza Euskara zinegotziaren eta Juan Mari Aburto Bilboko Alkatearen hitzen ondoren, Tor magoak umorez dinamizatu zuen ekitaldia. Karaokeak, elastikoak edota bizikletak bezalako sariak banatu ostean, irabazleek familia argazkia egin zuten, txalo zaparrada erraldoiaren artean. Irakasleen lana eta inplikazioa ere, saritu egin zen.
 

Gaurko programazioa

Goizez

04:30 ORAIN BERTAN
08:30 NAIZ YOGA
09:00 ZUMBA NAIZ
09:30 NAIZ YOGA
10:00 ZUMBA NAIZ
10:30 Pandoraren kutxa
11:00 11 LEIHO: ZURAIDE-HENDAIA
12:00 Zurriolako Butaka
12:45 Txapela buruan
13:15 Hezurren memoria
14:00 ASTEKO KRONIKA

Arratsaldez

14:30 Km0 errezetak
15:00 Ttap elkarrizketa: Yaser Hamed
15:30 11 LEIHO: ZURAIDE-HENDAIA
16:30 ASTEKO KRONIKA
17:00 Zurriolako Butaka
17:45 Txapela buruan
18:15 BIZI MUSIKA
18:30 ASTEKO KRONIKA
19:00 Musika Zuzenean
19:30 Pandoraren kutxa
20:00 Km0 errezetak
20:30 ASTEKO KRONIKA

Gauez

21:00 GERRA HEMEN HASTEN DA
22:00 Zurriolako Butaka
22:45 Musika Zuzenean
23:15 Zurriolako Butaka
00:00 Etxeko Sessions
01:00 GERRA HEMEN HASTEN DA dokumentala
02:00 Etxeko Sessions
03:00 Zurriolako Butaka
bannerra

bannerra