Skip to main content

Bideoteka

Bideotekan bilatu
bideoa prestatzen
Bi etxe kaleratzeren aurkako elkarretaratzea egin dute CaixaBankeko egoitzaren aurrean

2019-06-04
CaixaBankek putre-funts batekin akordioa erdietsi ostean, bi etxe kaleratze betetzeko agindua eman du. Bi kasuetan akordioak erdietsi zituen bankuak jabeekin. Etxe kaleratzeen aurkako plataformak putre-funtsen presentzia geroz eta handiagoa dela salatu du.
bideoa prestatzen
'Zubiaurretarrak: Memoria grafikoa' erakusketa aurkeztu du Bilboko Arte Ederren museoak

2019-06-04
Ramón eta Valentín Zubiaurre anai margolarien argazki eta film bilduma batean datza erakusketa, Ekainaren 5etik urriaren 6ra ikusgai egongo dena. Funtsak erakusten gaztaroan argazkigintza eta zinemarekiko izan zuten zaletasuna eta, gehien bat, Zubiaurre familiaren eguneroko bizitza ageri dituzte irudiek. Denbora luzeko lana izan da argazki eta film guztiak biltzea, 2017ko ekainan hasitako proiektuaren emaitza baita erakusketa hau.
bideoa prestatzen
Bilbo hiriaren 719. urteurrenean ospatuko da Gau Zuriaren 20. edizioa

2019-06-04
Bilbo hiria sortu zela 719 urte beteko dira aurten. Gau Zuria jaialdian, hiriaren urteurrena ospatzen da, kale eta leku esanguratsuenak argi, soinu eta ikuskizun harrigarriekin apaintzen dituzte urtero. Aurten, Bilbao 700 fundazioak antolatzen duen Gau Zuriaren 20. edizioa izango da. Argi eta soinu ikuskizunez gain, bideojokoak, antzerkia, musika, dantza eta magia izango dira. Ekainaren 14 eta 15ean, gauak argizteaz gain, egunez ere ekitaldiak antolatu dituzte aurten. Jaialdia egin ahal izateko, 600 pertsonek egingo dute lan. Josune Ariztondo Bilbao 700eko zuzendariak adierazi duenez, milioi bat euroko aurrekontua behar izan dute jaialdia antoaltzeko. Argiztapenak 22:30etik 2:00era egingo dituzte; ikuskizun bakoitzak, bere aldetik, bere ordutegia izango du.
bideoa prestatzen
Unibertsitatean Sartzeko Ebaluaketari ekin diote 3.285 ikaslek Iruñea eta Tuteran

2019-06-04
Selektibitatea izandako Unibertsitatean Sartzeko Ebaluaketa (USE) hasi da Nafarroan. Iruñea eta Tuteran 3.285 ikasletatik 891k euskaraz eginen dute froga. Aurtengoan Iruñeko NUPen kanpusean, ikasleak lehenengo, bigarren eta hirugarren solairuetan banatu dituzte, guztiak gela txikiagoetan egongo direla bermatzeko.
bideoa prestatzen
Beñat Iturrioz: "Interesatzen zaiguna da euskal iruditeria euskal mitoen bidez eraikitzea"

2019-06-04
Maiatzaren hasieran estreinatu zuten Napardeath satira politikoa, Beñat Iturriozek zuzendu, Katihotsak Logia Kultur Elkarteak ekoitzi eta 150etik gora lagunen auzolanak gauzatu duen filma. Beñat Iturriozek eta Xabier Padinek 2011n Ataun of the Death filmarekin abiatu zuten trilogiaren azken atala.
bideoa prestatzen
Nafarroako erakundeen etorkizuna Madrilen erabakiko ote da?

2019-06-03
Igaro berri diren hauteskundeen zikloaren ostean, orain balizko akordio eta itunen garaia da. Erakunde ezberdinetako egoerek arreta bereganatu dute azken orduetan, bereziki Nafarroako kasuan. Izan ere, PSOEk ez du begi onez ikusten PSNk EH Bilduren abstentzioa negoziatzea. Guzti honen inguruan aritu gara Gorka Mostajo eta Izaskun Duquerekin batera.