LAB sindikatuak deituta Bizkaiko bulegoetako langileek protesta eguna egin dute hitzarmen berria eskatzeko. Sektoreak 2013tik darama hitzarmena berritu gabe eta LABek estatalizazioaren mehatxua dagoela adierazi du, hau da, estatu mailako hitzarmena aplikatu ahal zaiela langileei. Horren aurka, batasun sindikalerako deia luzatu du Garbiñe Aranburuk, orain arte zailtasunak egon baitira sindikatuek ekintza bateratuak egitea arazoa konpontzeko.