Lasterbidean ekainaren 3an izango da Amasa-Villabonan. Egun osoko egitaraua antolatu da: korrikaldia, herri bazkaria eta DJak izango dira Amasa-Villabonan. Lasterbidean ekinaldia 2013an egin zuten lehen aldiz, Oiartzunen. Aurten, ekainaren 3an, bi lasterraldi izango dira: bata, 7,8 kilometrokoa, eta bestea, 2,6 kilometrokoa. Izena emateko epea irekita dago. Horren inguruan hitz egiteko Iban Uribetxebarria Lasterbidean-eko antolatzailea izan dugu gurekin.

1979ko ekainaren 3an, Amerikako Estatu Batuetako Harrisburgeko istripuaren ondoren Energia Nuklearraren aurkako Nazioarteko Jardunaldia deitu zuten. Euskal Herrian mobilizaziorako aukeratutako tokia Tutera izan zen. Egun hartan Jose Martinez Salas guardia zibilak buruan tiro bat emanda hil zuen Gladys del Estal Ferreño donostiar ekintzaile ekologista, 23 urte zituen.

EAJk eta PSEk azkartu egin dituzte elkarrizketak, itun orokor bat egiteko. Arnaldo Otegik EAJk eta PSEk Ayusoren botoen alde egitea "eskandalagarria" dela esan du.

Adierazi duenez, sindikatu bat ere ez da prest agertu zuzendaritzak lan hitzarmenari buruz egindako azken proposamena babesteko. Sindikatuek "hausnartzeko" eta "negoziatzen jarraitzeko" eskatu diote zuzendaritzari.

Grebaz gain, elkarretaratzeak egingo dituzte fabrikaren sarreran. Gasteizko lantegian ere greba egingo dute datorren astean: ekainaren 5ean, 7an, 10ean eta 12an.

Zehazki, zazpi Gipuzkoan eta hiru Bizkaian. EAJ eta PSE harremanetan daude udalak eta aldundiak eratzeko akordio orokor bat ixteko asmoarekin, baina Elkarrekin Podemosek dagoeneko iragarri du ez dutela haren babesik izango.

Era berean, Maddalen Iriartek, joan den igandean Gipuzkoan hauteskundeak irabazi zituenak, eta Elkarrekin Podemoseko ordezkariek bilera egin dute Gipuzkoan.

EHZ festibalak ekainaren 30ean, uztailaren 1ean eta 2an egingo dute Irisarrin, eta dagoeneko itxi dute kartela. Bigarren oholtzan, aurretik aipatutako J Martina taldeaz gain, Françoise del Mundo, Ixabe, Nize, Ztah, DIA DJ's, Atzarbale, Sofa, Pisso & OPH eta Estele D ikusteko aukera izango da.

Kontzertuez gain, bestelako ekitaldiak ere izango dira larunbat eta igandean, Irisarriko plazan. Bertso-poteoak, antzerkiak, dantzak eta txarangak, besteak beste. Bestalde, hainbat erronkaren inguruan eztabaida eta mintzaldiak antolatuko dituzte.

Garesko Aldaz Anaien zurgindegiko langileak hasi dira San Ferminetako entzierroaren hesia paratzen zezenen ibilbideko hainbat tokietan. Hilabete bat besterik ez da geratzen eta hiria San Ferminetarako prestatzen ari da.