Eusko Legebiltzarrak Iñigo Urkullu aukeratuko du gaur hirugarren aldiz Jaurlaritzako lehendakari izateko, EAJ eta PSE-EEren botoekin. Elkarrekin Podemosek ez ditu babestuko ez Iñigo Urkulluren ez Maddalen Iriarteren hautagaitzak, eta abstenitu egingo da bi bozketetan. Goizeko 09:30ean hasi da inbestidura saioa. Iñigo Urkulluk eta Maddalen Iriartek euren proiektuak alderatu dituzte bertan. Arratsaldean alderdien arteko eztabaida izango da, eta iluntzean egingo dute bozketa.