Donostiarrak, 2022ko ekainaren 30a arte sinatu du talde txuri-urdinarekin. Horrenbestez, denboraldi honetan egindako lanaren fruitua jaso du. Urte berezia izan da Sangallirentzat, batetik, Realeko lehen taldean sendotzeko aukera izan duelako eta, bestetik, udazkenean pairatutako iktusak bere ibilbidea kolokan jarri zuelako. Zorionez, berdeguneetara itzultzeko beta izan zuen eta, aurrera begira, talde txuri-urdinak eraiki nahi duen egituraren zutabeetako bat izango da. Realak etorkizunera so egiten dion proiektua osatu nahi du. Horiek horrela, Aihen Muñozek, Le Normandek, Guevarak eta Barrenetxeak lehen taldeko fitxa izango dute datorren urtean. Eurekin batera, aurredenboraldia, Roberto Lopez eta Alex Sola Imanolen aginduetara arituko dira eta oriotarraren gustukoak izanez gero, nagusiekin geratuko dira.