50 militar heldu ziren atzo, martxoaren 17an, Gasteiza, Arakako base militarra desinfektatzeko. Koronabirusari aurre egiteko operazioaren baitan armada bidali dute Euskal Herriko gune ezberdinetara. Esaterako, Eskoriatzan izan dira gaur. Martxelo Otamendi Berriako zuzendariak militarren desplazamendu honen inguruko iritzia eman du. Adierazi duenez, unitate berezi bat bidali dute espazio batzuk desinfektatzeko soilik eta hori, Espainiar Estatuaren aldetik, indar erakustaldi bat da.