Nafarroan 75 kilo elikagai botatzen du norbanako bakoitzak zaborretara urtero. Guztira, 115.000 tona. Jangarriak diren jakiak dira, baina hala ere ez zaie irtenbiderik ematen. Sentsibilizazio kanpaina jarriko dute abian 15 toki entitatek baliatzen ez den janari hori ahalik eta txikiena izan dadin. Taberna eta jatetxeetara 70.000 ontzi banatuko dituzte bertan jaten dutenek platerean soberakin gisara geratzen dena etxera eraman dezaten.