"Arzak bere saltsan" izeneko proiektu anitza aurkeztu dute gaur San Telmo museoan. Euskal sukaldaritzaren historian mugarri izan den sukaldariari egindako aitorpena izan nahi du erakusketak. Aurkezpena bera San Telmo museoan egin den arren, proiektua ez da museoan bertan egongo den erakusketara mugatzen. Hiriko hainbat tabernatan Arzak pintxoa eskatzeko aukera izango du, eta Tabakalerara ere egingo du salto proiektuak.