Bilboko EH Bilduk maiatzaren 26an bukatzekoa den legegintzaldiko balorazioa egin du Udaletxeko prentsa-aretoan eskainitako agerraldian. Aitziber Ibaibarriaga koalizio soberanistako zinegotziak irakurketa positiboa egin du. Aurkeztutako proposamen ugariak jarri ditu balioan, 200etik gora, eta horietako batzuk aurrera atera izana ospatu du. Bilbobusen erdibideko geldialdiena, mugikortasun plana eta euskararen aholku batzordea Bilduk proposatutako ekintzak direla gogorarazi du Ibaibarriagak.