Pasaia Itsas Festibalaren hirugarren edizioa hasi da, Euskal Kostaldeko nazioarteko itsas eta kultur jaialdi garrantzitsuena. 110 ontzi sartu dira bokaletik, Aita Mariren gidaritzapean. Igandera arte badian ainguratuko dira itsasontziak.

Itsasoarekin eta ontziekin zerikusia duten ekitaldiez gain, Pasaiako jaialdiak beste jarduera batzuk ere izango ditu: ondarea eta itsas kultura, musika, dantza, erakusketak, gastronomia eta lanbide tradizionalen erakusketa, besteak beste.