Atlantikaldiaren VI.edizioa martxan da jada. Errenteriako Udalak antolatzen duen Kultur Topagune eta Musika jaialdia da. Irailaren 19tik 22ra ospatuko da ‘Marea Biziak’ lelopean. Kulturen arteko elkartrukea bultzatzea da jaialdiaren helburua, herriko zein kanpoko eragileen arteko elkarlana bultzatuz. Eragileen proposamenekin sortzen da jaialdiaren programazioa, eta bertan hainbat kultur ekintza topa daitezke: jolasak, erakusketak, antzerkiak, dantza, kaleko artea, teknologia, gastronomia, azokak eta beste hainbat.