Historiako pasarte gehienetatik kanpo geratu da emakumezkoen ekarpena. Atzera begira eginez gero, sakoneko aldaketak gertatu diren uneetan edota iraultza garaietan emakume gutxiren izenak datozkigu burura. Gerra Zibilaren garaia horren lekuko da. Hainbat dira garai hartan emakume militanteek egindako borroka eta lortutako garaipenak gordetzeko egindako ahaleginak. “Emakume askeak” aldizkari anarkistaren digitalizazioa da bat.