Estitxu Robles-Arangiz, "Beskoitzeko Urretxindorra" bezala ezaguna zen kantariak, leku propioa eskuratu du Bilboko kale izendegian bere heriotzaren urteurrenean. Familia abertzale historiko bateko kide, gaztetatik musikagintza pasio gisa izan zuen, euskaraz, gazteleraz eta frantsesez abestuz. Erbestetik Bizkaiko hiriburura itzulita, hogei urteko ibilbidea osatu zuen, hamabost lan kaleratuz. 1993an hil zen, gaixotasun larri baten ondorioz.