Haratzago lelopean ospatuko da igande honetan 2019ko Ibilaldia Lekeition, Azkue Ikastolak antolatua. Aurtengo ibilbidea motza izango dela adierazi dute Ikastolako arduradunek, 2,5 kilometrokoa, eta lau gunetan banatu dute. Goizeko hamarretatik abiatuta, hasiera ekitaldian, egitarau anitza eta partehartzailea garatu nahi izan dute. Musika, jokoak, ikuskizunak, tailerrak eta abar izango dira, ohi bezala, adin guztietakoek goza dezaten Ibilaldiaz.