Bong Joon-ho zuzendari korearraren ‘Parasite’ filma izan da 2020ko Oscar sarien garaile nagusia. Lau irabazi ditu, garrantzitsuenetakoak gainera, eta historia egin du film onenaren saria eramaten duen lehenengo pelikula atzerritarra bihurtzean. Horrekin batera, zuzendaririk onenaren, gidoi onenaren eta atzerriko film onenaren aipamenak ere jaso ditu ‘Parasite’-ek Hollywood-en Akademiaren sari banaketan.