Maravillas proiektuaren aldarriak bostmila pertsonatik gora eraman zituen Iruñera larunbatean. Manifestazioaren bukaeran Marques de Rozalejo jauregia hartu zuten berriz gazteek, eta handik ordu gutxira poliziak kaleratzea burutu zuen. Alde zaharrean sortutako egoeraren aurrean bere kezka berretsi zuen Joseba Asironek, Iruñeko alkateak, eta egoera bideratzeko beharra azpimarratu zuen.