Frantziako Gobernuko Hezkuntza Ministerioaren politiken eta murrizketen aurka, greba egin dute, astelehenez, Ipar Euskal Herriko ikastetxeek. Kolegioetako eta lizeoetako 2.650 postu ezabatzeko asmoa aipatu dute; beste 500 postu irakaskuntza pribatuan, eta 400 administrazioan. Hori salatu dute zazpi sindikatuk elkarrekin egindako deialdiaren bidez, eta Ipar Euskal Herriko kasuan, Baionan egin dute manifestazioa.