Moncloari begira jarri da Bizkaiko Pentsiodunen Mugimendua Espainiako hauteskunde orokorren biharamunean. Baikor baina mesfidati agertu dira Bilboko elkarretaratzean. Ustez, pentsioak babestu nahi duen gehiengo bat dago Kongresuan baina promesak eta programak hitz hutsetan gera ez daitezen kalean borrokan jarraitzeko beharra azpimarratu dute. Maiatzaren 11an manifestazioa egingo dute Hego Euskal Herriko hiriburuetan eta astelehenero mobilizatzen jarraituko dutela aurreratu dute.